ന്യൂയോർക്ക്: ഫോമ കേരളത്തിന് നൽകിയ വെന്റിലേറ്ററുകളിൽ ഒന്ന് ആലപ്പുഴ ജില്ലയിലെ അരൂർ മണ്ഡലത്തിലെ തുറവൂർ താലൂക്ക് ആശുപത്രിക്ക് സംഭാവന ചെയ്തു. ഫിലഡൽഫിയയിലെ പ്രമുഖ മലയാളി അസോസിയേഷനുകളിൽ ഒന്നായ കലയാണ് ഈ വെന്റിലേറ്റർ സ്പോണ്സർ ചെയ്തിരിക്കുന്നത്.
ചടങ്ങിൽ ആലപ്പുഴ എംപി എ.എം. ആരിഫ്, അരൂർ എംഎൽഎ ദലീമ ജോജോ, ഫോമാ പ്രസിഡന്റ് അനിയൻ ജോർജ്, ജോയിന്റ് ട്രഷറർ, ബിജു തോണിക്കടവിൽ, കേരള കണ്വൻഷൻ ചെയർമാൻ ഡോ. ജേക്കബ് തോമസ്, കേരള ഫോമാ വില്ലേജ് പ്രോജക്ട് കോർഡിനേറ്റർ ജോസഫ് ഒൗസോ, ആശുപത്രി സൂപ്രണ്ട്, ബ്ലോക്ക് -പഞ്ചായത്ത് പ്രതിനിധികൾ തുടങ്ങിയവർ പങ്കെടുത്തു.
ആലപ്പുഴ ദേശീയ പാതയോട് ചേർന്നുള്ള ആശുപത്രിയിൽ പുതുതായി തുടങ്ങുന്ന ഡയാലിസിസ് യൂണിറ്റിലായിരിക്കും പുതിയ വെന്റിലേറ്റർ ഉപയോഗിക്കുക. ദേശീയ പാതയിൽ ഉണ്ടാകുന്ന അപകടങ്ങളിൽ പെട്ട് ആശുപത്രിയിൽ എത്തുന്ന ഗുരുതരമായ രോഗികൾക്ക് ഉപകാരപ്രദമായിരിക്കും പുതുതായി നൽകിയ വെന്റിലേറ്ററെന്ന് ദലീമ ജോജോ എംഎൽഎ പറഞ്ഞു. തീരദേശ പ്രദേശമായ തുറവൂരും ചുറ്റുപാടുമുള്ളവരുടെയും ആശ്രയകേന്ദ്രമാണ് തുറവൂരിലെ താലൂക്ക് ആശുപത്രി.
ടി. ഉണ്ണികൃഷ്ണൻ
ഫോമാ തുറവൂർ താലൂക്ക് ആശുപത്രിക്ക് ഫോമ വെന്റിലേറ്റർ സംഭാവന നൽകി
10:59 PM Oct 26, 2021 | Deepika.com