മസ്കറ്റ്: പ്രവാസി സംസ്കൃതിയുടെ 2021ലെ മഹാകവി വെണ്ണിക്കുളം ഗോപാലക്കുറുപ്പ് സ്മാരക പുരസ്കാരത്തിന് സാഹിത്യ കൃതികൾ ക്ഷണിക്കുന്നു. 2019, 2020, ജനുവരി 1 മുതൽ ഡിസംബർ 31 വരെയുള്ള കാലയളവിൽ ഒന്നാം പതിപ്പായി പ്രസിദ്ധീകരിച്ച മൗലിക കൃതികളാണ് പരിഗണിക്കുന്നത്.
വിവർത്തനങ്ങളോ അനുകരണങ്ങളോ സ്വീകാര്യമല്ല. കഥ, ചരിത്രം തുടങ്ങിയവയിലെ മികച്ച കൃതിക്കാണ് ഈ വർഷം പുരസ്കാരം നൽകുന്നത്.
പുരസ്കാരം പരിഗണിക്കുന്നതിനുള്ള കൃതികളുടെ രണ്ടു കോപ്പികൾ വീതം ലാൽജി ജോർജ്, ചലച്ചിത്ര സംവിധായകൻ, വെണ്ണിക്കുളം പിഒ. തിരുവല്ല - 689544, പത്തനംതിട്ട ജില്ലാ, മൊബൈൽ : 0091- 9567960329. എന്ന വിലാസത്തിൽ 2021 നവംബർ 1 നകം അയക്കേണ്ടതാണെന്ന് പ്രവാസി സംസ്കൃതി കമ്മിറ്റി കണ്വീനർ ബിജു ജേക്കബ് കൈതാരം അറിയിച്ചു.
ബിജു ജേക്കബ്
മഹാകവി വെണ്ണിക്കുളം സ്മാരക പുരസ്കാരം കൃതികൾ ക്ഷണിച്ചു
09:28 PM Oct 15, 2021 | Deepika.com