കുവൈറ്റ് സിറ്റി : 60 വയസ് പൂർത്തിയായ വിദേശികളുടെ തൊഴിൽ പെർമിറ്റുമായി ബന്ധപ്പെട്ട് പുതിയ നിർദേശവുമായി കുവൈറ്റ് ചേംബർ ഓഫ് കൊമേഴ്സ് രംഗത്ത്. രാജ്യത്ത് പുതുതായി വരുന്ന വിദേശികൾക്ക് മാത്രമായി തീരുമാനം പരിമിതപ്പെടുത്തണമെന്നും രാജ്യത്തിനകത്ത് താമസിക്കുന്ന അറുപത് കഴിഞ്ഞ വിദേശികൾക്ക് തീരുമാനം ബാധകമാക്കരുതെന്നും പ്രധാനമന്ത്രി ശൈഖ് സബാഹ് അൽ ഖാലിദിന് നൽകിയ നിവേദനത്തിൽ ചേംബർ ഓഫ് കൊമേഴ്സ് ആൻഡ് ഇൻഡസ്ട്രി ആവശ്യപ്പെട്ടു.
വിവിധ തൊഴിലുകളിൽ ഉയർന്ന സാങ്കേതിക പരിജ്ഞാനം നേടിയ ജീവനക്കാരെ നഷ്ടപ്പെടുന്നത് തൊഴിൽ മേഖലക്ക് തീരാ നഷ്ടമാണെന്നും വൈദഗ്ധ്യം നേടിയ തൊഴിലാളികളിൽ രാജ്യം നടത്തിയ നിക്ഷേപം മറക്കരുതെന്നും ചേംബർ പ്രസിഡന്റ് മുഹമ്മദ് അൽ സഖർ പറഞ്ഞു.
സലിം കോട്ടയിൽ
വിദേശികളുടെ താമസരേഖ: പുതിയ നിർദേശവുമായി കുവൈറ്റ് ചേംബർ ഓഫ് കൊമേഴ്സ്
12:06 AM Sep 26, 2021 | Deepika.com