നിർമല ജൂണിയർ സ്കൂൾ വാർഷികാഘോഷം നാളെ
12:41 AM Feb 08, 2023 | Deepika.com
മൂവാറ്റുപുഴ: നിർമല ജൂണിയർ സ്കൂൾ 49-ാമത് വാർഷികാഘോഷവും ഗോൾഡൻ ജൂബിലി ആഘോഷത്തിന്റെ ഉദ്ഘാടനവും നാളെ നടക്കും. ഉച്ചകഴിഞ്ഞ് മൂന്നിന് സ്കൂൾ ഓഡിറ്റോറിയത്തിൽ നടക്കുന്ന വാർഷികഘോഷം ബിഷപ് മാർ ജോർജ് പുന്നക്കോട്ടിൽ ഉദ്ഘാടനം ചെയ്യും. സ്കൂൾ മാനോജർ സിസ്റ്റർ മെർളിൻ അധ്യക്ഷത വഹിക്കും. കാലടി ശ്രീശങ്കര സംസ്കൃത യൂണിവേഴ്സിറ്റി മുൻ വൈസ് ചാൻസിലർ എം.സി. ദീലിപ് കുമാർ മുഖ്യാതിഥിയായിരിക്കും. കലണ്ടർ പ്രകാശനം ഹോളിമാഗി ഫൊറോന പള്ളി വികാരി ഫാ. ജോസഫ് മുളഞ്ഞനാനിയും ലോഗോ പ്രകാശനം എം.സി. ദീലിപ് കുമാറും നിർവഹിക്കും. നഗരസഭാധ്യക്ഷൻ പി.പി. എൽദോസ്, നഗരസഭാംഗം രാജശ്രീ രാജു, എഇഒ ജീജ വിജയൻ, നിർമല ഹയർ സെക്കൻഡറി സ്കൂൾ പ്രിൻസിപ്പൽ റവ.ഡോ. ആന്റണി പുത്തൻകുളം, എഡ്യൂക്കേഷണൽ കൗണ്സിലർ സിസ്റ്റർ ജാൻസി, മുൻ മാനേജർ സിസ്റ്റർ ജോവിയറ്റ്, പ്രധാനാധ്യാപിക സിസ്റ്റർ ലൂസി മാത്യു, സി.ടി. സുപ്രഭ, ഡി. ഉല്ലാസ്, എൻ. രാജേഷ്, അൽഡൻ ജോണ് ജെറിൻ, ഡിയോണ അൽഫോൻസ പ്രദീപ് തുടങ്ങിയവർ പ്രസംഗിക്കും.