നഴ്സുമാരുടെ സമര പ്രഖ്യാപന കണ്വൻഷൻ നാളെ
11:24 PM Feb 07, 2023 | Deepika.com
തിരുവനന്തപുരം: സ്റ്റേറ്റ് യുണൈറ്റഡ് നഴ്സസ് അസോസിയേഷന്റെ (യുഎൻഎ) ആഭിമുഖ്യത്തിൽ സമര പ്രഖ്യാപന കണ്വൻഷൻ നാളെ നടക്കും. ഉച്ചകഴിഞ്ഞ് 2.30ന് സെക്രട്ടേറിയറ്റിനു മുന്നിൽ നിന്ന് കിഴക്കേകോട്ടയിലേക്ക് റാലി ആരംഭിക്കും. മൂന്നിന് കോട്ടയ്ക്കകം പ്രിയദർശിനി ഹാളിൽ യുഎൻഎ ദേശീയ പ്രസിഡന്റ് ജാസ്മിൻഷാ കണ്വൻഷൻ ഉദ്ഘാടനം ചെയ്യും.മാനേജ്മെന്റുകൾ ദുരുപയോഗം ചെയ്യുന്ന ലേബർ കോണ്ട്രാക്ട് നിയമങ്ങൾ അവസാനിപ്പിക്കുക, നഴ്സുമാരുടെ ദിവസ വേതനം 1500 രൂപയാക്കുക, ശന്പളത്തിൽ ആനുപാതിക വർധന നടപ്പാക്കുക തുടങ്ങിയ ആവശ്യങ്ങൾ ഉന്നയിച്ചാണ് സമരത്തിനിറങ്ങുന്നത്.പത്രസമ്മേളനത്തിൽ സ്റ്റേറ്റ് യുണൈറ്റഡ് നഴ്സസ് അസോസിയേഷൻ ജില്ലാ ചെയർമാൻ അരവിന്ദ് നാരായണൻ, കണ്വീനർ റാം സുന്ദർ, ഭാരവാഹികളായ ശ്രുതി ബി.നായർ, ശ്രുതി.എസ്.നായർ, അരവിന്ദ്, ആദർശ് എന്നിവർ പങ്കെടുത്തു.