ദുബായ് :എൻ ആർ ഐ ഫ്രണ്ട്സ് ഫോറം യുഎഇ ചാപ്റ്റർ ഓണാഘോഷം സംഘടിപ്പിക്കുന്നു . നാളെ രാത്രി 7 മണി മുതൽ ഓൺലൈൻ പ്ലാറ്റ് ഫോമിലൂടെയാണ് കരുതലോണം എന്ന പരിപാടി ഒരുക്കുന്നത്.
കേരളാ ഫിഷറീസ് വകുപ്പ് മന്ത്രി സജി ചെറിയാൻ ഉദ്ഘാടന കർമ്മം നിർവഹിക്കും. കേരള സഹകരണ സംഘം രജിസ്ട്രാർ പി.ബി നൂഹ് ഐഎ എസ് ആശംസപ്രസംഗം നടത്തും.
കല - സാംസ്കാരിക രംഗത്തെ പ്രമുഖ വ്യക്തികൾ അതിഥികളായി എത്തും. എൻആർഐ ബട്ടർഫ്ളൈസ് അണിയിച്ചൊരുക്കുന്ന കലാപരിപാടികളും, വനിതാ വിഭാഗം ഒരുക്കുന്ന തിരുവാതിര, ഓണപ്പാട്ടുകൾ, അംഗങ്ങൾ അവതരിപ്പിക്കുന്ന കോലടിപ്പാട്ടുകൾ, വള്ളംകളിയും വഞ്ചിപ്പാട്ടും ഓണാഘോഷത്തെ വർണ്ണാഭമാക്കും. ഓണപ്പായസ വിതരണവും ഉണ്ടായിരിക്കുമെന്നു ജനറൽ സെക്രട്ടറി സജി മനപ്പാറ അറിയിച്ചു .
അനിൽ സി ഇടിക്കുള
"കരുതലോണം 2021' നാളെ
01:08 PM Sep 09, 2021 | Deepika.com