കൊച്ചി: അന്തര്‍ദേശീയ കാന്‍സര്‍ ദിനത്തോടനുബന്ധിച്ച് എറണാകുളം സോഷ്യല്‍ സര്‍വീസ് സൊസൈറ്റിയുടെയും കളമശേരി സെന്‍റ് പോള്‍സ് കോളജ് എന്‍എസ്എസ് വോളണ്ടിയേഴ്‌സിന്‍റെയും നേതൃത്വത്തില്‍ എറണാകുളം നഗരത്തിലെ ആറു പ്രധാന കേന്ദ്രങ്ങളില്‍ കാന്‍സര്‍ ബോധവല്‍ക്കരണവും ഫ്‌ളാഷ് മോബും സംഘടിപ്പിച്ചു. ടി.ജെ. വിനോദ് എംഎല്‍എ ഉദ്ഘാടനം ചെയ്തു.
കാരിത്താസ് ഇന്ത്യയുമായി സഹകരിച്ച് 2014 മുതല്‍ ഈ എസ്എസ്എസ് നടത്തിവരുന്ന ആശാകിരണം പദ്ധതിയുടെ ഭാഗമായാണ് ഈ ഫ്‌ളാഷ് മോബ് സംഘടിപ്പിച്ചത്. ഇഎസ്എസ്എസ് ഡയറക്ടര്‍ ഫാ.മാര്‍ട്ടിന്‍ അഴിക്കകത്ത്, എന്‍എസ്എസ് പ്രോഗ്രാം ഓഫീസര്‍ ഡോ. രാജേഷ്‌മോന്‍ വിജി, ആശാകിരണം കോർഡിനേറ്റര്‍ വിപിന്‍ ജോ, എന്‍എസ്എസ് വോളണ്ടിയര്‍ സെക്രട്ടറി രാജീവ് പാട്രിക് എന്നിവര്‍ സന്നിഹിതരായിരുന്നു.
കാന്‍സര്‍ദിനം ആചരിച്ചു
11:53 PM Feb 06, 2023 | Deepika.com