ഭർത്താവ് മരിച്ച് മണിക്കൂറുകളുടെ വ്യത്യാസത്തിൽ ഭാര്യയും മരിച്ചു
11:22 PM Feb 05, 2023 | Deepika.com
കഴക്കൂട്ടം: ഭർത്താവ് മരിച്ച് മണിക്കൂറുകളുടെ വ്യത്യാസത്തിൽ ഭാര്യയും മരിച്ചു. പെരുമാതുറ വെളിവിളാകം വീട്ടിൽ അബ്ദുൽ കരീം (70), ഭാര്യ നസീമ (58) എന്നിവരാണ് മരിച്ചത്. അസുഖത്തെ തുടർന്ന് ചികിത്സയിലായിരുന്ന അബ്ദുൽ കരീം ശനിയാഴ്ച രാത്രി 6.30 ഓടെയാണ് മരിച്ചത്. പെരുമാതുറ വലിയ പള്ളിയിൽ ഇദ്ദേഹത്തിന്റെ കബറടക്കാനുള്ള തയാറെടുപ്പു നടത്തുന്നതിനിടെ ഇന്നലെ രാവിലെ 5.30 ഭാര്യ നസീമ കുഴഞ്ഞു വീഴുകയായിരുന്നു. തുടർന്ന് ബന്ധുക്കൾ കഴക്കൂട്ടത്തെ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. രാവിലെ 10 ന് ഇരുവരെയും പെരുമാതുറ വലിയപള്ളിയിൽ സംസ്കരിച്ചു. മക്കൾ: നബീൽ, നാജിദ. മരുമക്കൾ: നദ അമീൻ, ഫിറോസ് ഖാൻ.