പൊൻകുന്നം: പൊൻകുന്നം- കുഴിക്കാട്ടുപടി- മാന്തറ- കപ്പാട് റോഡ് റീ ടാർ ചെയ്യാൻ അധികൃതർ അടിയന്തിര നടപടി സ്വീകരിക്കണമെന്നു കേരള പ്രതികരണവേദി സംസ്ഥാന പ്രസിഡൻ്റ് വിഴിക്കിത്തോട് ജയകുമാർ ജില്ലാ പ്രസിഡൻ്റ് എസ്.ബിജു എന്നിവർ ആവശ്യപ്പെട്ടു. കാഞ്ഞിരപ്പള്ളി -ഈരാറ്റുപേട്ട റോഡിൽനിന്നു പൊൻകുന്നത്ത് എത്തുവാനുള്ള എളുപ്പമാർഗമാണ് ഈ റോഡ്.
ആറാട്ടുകടവ്
റോഡ് നവീകരിച്ചു
പൊൻകുന്നം: ടാറിംഗ് കരാറുകാർ സേവനസന്നദ്ധരായി ചിറക്കടവ് ക്ഷേത്രത്തിന്റെ ആറാട്ടുകടവ് റോഡിന്റെ റീടാറിംഗ് നടത്തി.
കാലങ്ങളായി തകർന്നുകിടക്കുകയായിരുന്നു നൂറു മീറ്ററോളം റോഡ്. ചിറക്കടവ് പഞ്ചായത്തിന്റെ ടാറിംഗ് ജോലികൾ ചെയ്യുന്ന കരാറുകാരാണ് ജോലി നിർവഹിച്ചത്.
റോഡ് നവീകരിക്കാൻ വഴിതേടി ദേവസ്വം ഭാരവാഹികൾ ചിറക്കടവ് പഞ്ചായത്തിനെ സമീപിച്ചിരുന്നു. എന്നാൽ, പഞ്ചായത്തിന്റെ ആസ്തിയിൽ പെടാത്ത റോഡായതിനാൽ പഞ്ചായത്ത് ഫണ്ട് വിനിയോഗിക്കാനാവാതെ വന്നു.
തുടർന്ന് പഞ്ചായത്ത് റോഡുകളുടെ ടാറിംഗ് നടത്തുന്ന കരാറുകാരുടെ യോഗം വിളിച്ചു സൗജന്യമായി ചെയ്യാനുള്ള വഴി തേടുകയായിരുന്നു. പഞ്ചായത്ത് കമ്മിറ്റിയുടെ നിർദേശം കരാറുകാർ സ്വീകരിക്കുകയും ഒറ്റ ദിവസംകൊണ്ട് റീടാറിംഗ് പൂർത്തിയാക്കുകയുമായിരുന്നു. പ്രസിഡന്റ് സി.ആർ.ശ്രീകുമാറും പഞ്ചായത്തംഗങ്ങളും മേൽനോട്ടം വഹിച്ചു.
പൊൻകുന്നം-കപ്പാട് റോഡ് റീടാർ ചെയ്യണം
10:35 PM Feb 04, 2023 | Deepika.com