മുണ്ടക്കയം: കോരുത്തോട് പഞ്ചായത്ത് പ്രസിഡന്റ് സന്ധ്യ വിനോദ് രാജിവച്ചു. കോൺഗസ് പാർട്ടിയിലുണ്ടാക്കിയ മുൻ ധാരണ പ്രകാരമാണ് രാജി. ഇന്നലെ നടന്ന പഞ്ചായത്ത് വികസന സെമിനാറിന് ശേഷം പഞ്ചായത്ത് സെക്രട്ടറി മുന്പാകെയാണ് രാജി സമർപ്പിച്ചത്. അഞ്ചാം വാർഡ് ചണ്ണംപ്ലാവിൽ നിന്നുള്ള പഞ്ചായത്തംഗമാണ് സന്ധ്യ. പ്രസിഡന്റുസ്ഥാനം വനിതകൾക്കായി സംവരണം ചെയ്തിരിക്കുന്ന പഞ്ചായത്തിൽ കോൺഗ്രസിന്റെ അവശേഷിക്കുന്ന രണ്ട് വനിതാ അംഗങ്ങളിൽ ഒരാളായിരിക്കും പ്രസിഡന്റാകുക. 13 അംഗ സമിതിയിൽ കോൺഗ്രസ്-ഏഴ്, എൽഡിഎഫ്-നാല്, സ്വതന്ത്രർ-രണ്ട് എന്നിങ്ങനെയാണ് കക്ഷിനില. കാഞ്ഞിരപ്പള്ളി ബ്ലോക്കിന് കീഴിൽ യുഡിഎഫ് ഭരിക്കുന്ന ഏക പഞ്ചായത്താണ് കോരുത്തോട്.
ജലസംഭരണികള് ശുചിയാക്കി
കാഞ്ഞിരപ്പള്ളി: ആനക്കല്ല് - വണ്ടന്പാറ കുടിവെള്ള പദ്ധതിയുടെ മൂന്നു ജലസംഭരണികള് ഉടുമ്പനാംകുഴി നവജീവന് പുരുഷ സ്വയംസഹായ സംഘങ്ങള് ചേര്ന്ന് വൃത്തിയാക്കി. ആനക്കല്ല്, പൊന്മല, വണ്ടന്പാറ പ്രദേശത്തെ നൂറുകണക്കിന് ആളുകള് ഉപഭോക്താക്കളായുള്ളതാണു കുടിവെള്ള പദ്ധതി. വേനലായതോടെ പ്രധാന ആശ്രയവും ഈ കുടിവെള്ള പദ്ധതിയാണ്.
സംഘം പ്രസിഡന്റ് ടിജോ സെബാസ്റ്റ്യന്, സെക്രട്ടറി ജയിംസ് കണ്ടത്തില്, കുടിവെള്ള സൊസൈറ്റി സെക്രട്ടറി ജോസ് ചൂനാട്ട്, കമ്മിറ്റിയംഗം ജോസ് കുമ്മണ്ണുപറമ്പില് എന്നിവര് നേതൃത്വം നല്കി.
കോരുത്തോട് പഞ്ചായത്ത് പ്രസിഡന്റ് രാജിവച്ചു
10:15 PM Jan 31, 2023 | Deepika.com