ഭരണങ്ങാനം: പഞ്ചായത്തിലെ പ്രവിത്താനം അങ്കണവാടിയുടെ പുതിയ കെട്ടിടത്തിന്റെ ഉദ്ഘാടനത്തോടനുബന്ധിച്ച് സമ്മേളനം നടത്തുവാന് നിശ്ചയിച്ചിരുന്ന പഞ്ചായത്ത് കമ്യൂണിറ്റി ഹാള് സെക്രട്ടറിയുടെ നിര്ദേശപ്രകാരം താഴിട്ട് പൂട്ടിയതായി പരാതി.
തോമസ് ചാഴികാടന് എംപി ഉദ്ഘാടകനും പഞ്ചായത്ത് പ്രസിഡന്റ് മുഖ്യപ്രഭാഷകയും ജില്ലാ പഞ്ചായത്തംഗം അധ്യക്ഷനും മറ്റു ജനപ്രതിനിധികള് ആശംസാപ്രസംഗകരുമായുണ്ടായിരുന്ന അങ്കണവാടിയോട് ചേര്ന്ന കമ്യൂണിറ്റി ഹാളാണ് അധികൃതര് തുറന്നു നല്കാതിരുന്നതെന്നും അതേത്തുടര്ന്നു ജനപ്രതിനിധികളുടെ നേതൃത്വത്തില് താത്കാലിക പന്തല് നിര്മിച്ചാണ് 12 മണിയോടുകൂടി ഉദ്ഘാടന സമ്മേളനം നടത്തിയതെന്നും എല്ഡിഎഫ് പ്രസ്താവിച്ചു.
എംപിയും മറ്റു ജനപ്രതിനിധികളും പങ്കെടുക്കേണ്ട സമ്മേളനഹാള് തുറന്നു കൊടുക്കാത്ത പഞ്ചായത്ത് സെക്രട്ടറിയുടെ നടപടി ഗുരുതരമായ അവകാശലംഘനമാണെന്നും എല്ഡിഎഫ് ആരോപിച്ചു.
പഞ്ചായത്ത് സെക്രട്ടറിക്കെതിരേ ആരോപണവുമായി എല്ഡിഎഫ്
10:12 PM Jan 31, 2023 | Deepika.com