കൊച്ചി: കാര് പാര്ക്ക് ചെയ്തതുമായി ബന്ധപ്പെട്ടുണ്ടായ തര്ക്കത്തിൽ അപ്പാര്ട്ട്മെന്റ് മാനേജരെ മര്ദിച്ച സംഭവത്തില് സഹോദരങ്ങള് പിടിയിലായി. എറണാകുളം കവലക്കല് വിനോദ് (22), വിശാല് (25) എന്നിവരെയാണ് എറണാകുളം സെന്ട്രല് പോലീസ് അറസ്റ്റ് ചെയ്തത്. അപ്പാര്ട്ട്മെന്റ് മാനേജരായ രാജന്പിള്ളയ്ക്കാണ് മർദനമേറ്റത്.
കഴിഞ്ഞ ഞായറാഴ്ച രാത്രി സൗത്ത് റെയില്വേ സ്റ്റേഷന് സമീപമായിരുന്നു സംഭവം. പ്രതികളുടെ വീടിന് മുന്വശത്ത് അപ്പാര്ട്ടുമെന്റിലേക്ക് വരുന്ന വാഹനങ്ങള് പാര്ക്ക് ചെയ്തതുമായി ബന്ധപ്പെട്ട് രാജന്പിള്ളയുമായി തര്ക്കമുണ്ടായി. തുടര്ന്ന് ഇരുവരും ചേർന്ന് കല്ലുകൊണ്ട് രാജന്പിള്ളയെ മര്ദിക്കുകയായിരുന്നു.
രാജന്പിള്ളയുടെ മൂക്കിന്റെ എല്ലിന് പൊട്ടലുണ്ടായി. സെന്ട്രല് സ്റ്റേഷന് ഇന്സ്പെക്ടര് വിജയശങ്കറിന്റെ നേതൃത്വത്തിലുള്ള സംഘമാണ് പ്രതികളെ പിടികൂടിയത്. കോടതിയില് ഹാജരാക്കി റിമാന്ഡ് ചെയ്തു.
അപ്പാര്ട്ട്മെന്റ് മാനേജരെ മര്ദിച്ച സഹോദരങ്ങളെ പിടികൂടി
11:52 PM Jan 30, 2023 | Deepika.com