കോട്ടയം: ഉഴവൂര് പഞ്ചായത്തിലെ രണ്ടു സ്വകാര്യഫാമുകളില് ആഫ്രിക്കന് പന്നിപ്പനി സ്ഥിരീകരിച്ചതായി ജില്ലാ ദുരന്ത നിവാരണ അഥോറിറ്റി ചെയര്പേഴ്സണായ ജില്ലാ കളക്ടര് പി.കെ. ജയശ്രീ പറഞ്ഞു. ഫാമുകളിലെ എല്ലാ പന്നികളെയുംദയാവധം നടത്തി സംസ്കരിച്ചു. ഫാമിന് ഒരു കിലോമീറ്റര് ചുറ്റളവിലുള്ള മുഴുവന് പന്നികളെയും ദയാവധം നടത്തുന്നതു പുരോഗമിക്കുകയാണ്.
രോഗം സ്ഥിരീകരിച്ച പന്നിഫാമിന് ചുറ്റുമുള്ള ഒരു കിലോമീറ്റര് പ്രദേശം രോഗബാധിത പ്രദേശമായും പത്തു കിലോമീറ്റര് ചുറ്റളവ് രോഗനിരീക്ഷണ മേഖലയായും പ്രഖ്യാപിച്ചിട്ടുണ്ട്. രോഗബാധിത പ്രദേശങ്ങളില്നിന്നുള്ള പന്നിമാംസം വിതരണം, ഇവ വിതരണം ചെയ്യുന്ന കടകളുടെ പ്രവര്ത്തനം എന്നിവ നിര്ത്തിവച്ച് ഉത്തരവായി. ഇവിടെനിന്ന് പന്നികള്, പന്നിമാംസം, തീറ്റ എന്നിവ ജില്ലയിലെ മറ്റു പ്രദേശങ്ങളിലേക്കു കൊണ്ടുപോകുന്നതും മറ്റിടങ്ങളില്നിന്നു രോഗബാധിത മേഖലയിലേക്ക് കൊണ്ടുവരുന്നതും നിര്ത്തിവയ്ക്കാനും ഉത്തരവായി.
കരൂര്, മരങ്ങാട്ടുപിള്ളി, കുറവിലങ്ങാട്, കടുത്തുരുത്തി, മാഞ്ഞൂര്, രാമപുരം, മുളക്കുളം, കടപ്ലാമറ്റം, വെളിയന്നൂര് എന്നീ പഞ്ചായത്തുകളാണ് നിരീക്ഷണ മേഖലയില് ഉള്പ്പെട്ടിട്ടുള്ളത്.
ഉഴവൂരില് ആഫ്രിക്കന് പന്നിപ്പനി സ്ഥിരീകരിച്ചു
11:47 PM Jan 30, 2023 | Deepika.com