പാലാ: പാലാ നഗരസഭയിലെ കേരള കോണ്ഗ്രസ് കൗണ്സിലര് ജോസ് ഇടേട്ടിന്റെ വാര്ഡില് നിലവില് വെറുതേ കിടക്കുന്ന മുനിസിപ്പാലിറ്റി വക കെട്ടിടത്തില് അങ്കണവാടി പ്രവര്ത്തിപ്പിക്കാന് അനുമതി നിഷേധിക്കുന്ന കേരള കോണ്ഗ്രസ്-എമ്മിന്റെ രാഷ്ട്രീയനിലപാട് പാവപ്പെട്ട കുഞ്ഞുങ്ങളോടുള്ള വെല്ലുവിളിയാണെന്ന് യുഡിഎഫ് കോട്ടയം ജില്ലാ ചെയര്മാന് സജി മഞ്ഞക്കടമ്പില് ആരോപിച്ചു. ലേഡീസ് ഹോസ്റ്റലില് ഒരു മുറി വിട്ടുകൊടുത്ത് അങ്കണവാടി പ്രവര്ത്തിക്കാനുള്ള അനുമതി നല്കണമെന്നും സജി ആവശ്യപ്പെട്ടു.
റോഡ് ഉദ്ഘാടനം
രാമപുരം: മാണി സി. കാപ്പന് എംഎല്എയുടെ ആസ്തി വികസന ഫണ്ടില്നിന്നു പത്തു ലക്ഷം രൂപ ഉപയോഗിച്ചു നവീകരിച്ച രാമപുരം പഞ്ചായത്തിലെ ചക്കാമ്പുഴ വാര്ഡില്പ്പെട്ട അറയാനിക്കല് അര്പിഎസ്-കാരത്താങ്കല് റോഡിന്റെ ഉദ്ഘാടനം ഇന്നു വൈകുന്നേരം നാലിനു മാണി സി. കാപ്പന് എംഎല്എ നിര്വഹിക്കും.
കെട്ടിട ഉടമകളുടെ യോഗം
ഈരാറ്റുപേട്ട: ഈരാറ്റുപേട്ട ബ്ലോക്ക് കെട്ടിട ഉടമകളുടെ യോഗം ഇന്നു വൈകുന്നേരം 6.30ന് ഫുഡ് ബുക്കിൽ കൂടും. പ്രസിഡന്റ് സി.എം. മുഹമ്മദ് അധ്യക്ഷത വഹിക്കും. സംസ്ഥാന പ്രസിഡന്റ് ടോമി ഈപ്പൻ പങ്കെടുക്കും.
രാഷ്ട്രീയ വെല്ലുവിളി അവസാനിപ്പിക്കണം: സജി മഞ്ഞക്കടമ്പില്
10:34 PM Jan 30, 2023 | Deepika.com