ആലുവ: എറണാകുളം സുഭാഷ് പാർക്കിൽ നേതാജിയുടെ പ്രതിമ സ്ഥാപിക്കണമെന്ന് ഫോർവേഡ് ബ്ലോക്ക് ജില്ലാ സമ്മേളനം ആവശ്യപ്പെട്ടു. പാർക്കിന്റെ പേര് നേതാജി സുഭാഷ് ചന്ദ്രബോസ് പാർക്ക് എന്ന പേരിൽ പൂർണ നാമകരണം നടത്തണമെന്നും സമ്മേളനം ആവശ്യപ്പെട്ടു.
ആലുവ അന്നപൂർണ ഹാളിൽ നടന്ന സമ്മേളനം സംസ്ഥാന സെക്രട്ടറിയേറ്റംഗം പ്രകാശ് മൈനാഗപ്പള്ളി ഉദ്ഘാടനം ചെയ്തു. സുരേഷ് കരട്ടേടത്ത് അധ്യക്ഷത വഹിച്ചു. ആൾ ഇന്ത്യ ലോയേഴ്സ് ഫെഡറേഷൻ സംസ്ഥാന പ്രസിഡന്റ് അഡ്വ. സാം ഐസക് പൊതയിൽ മുഖ്യ പ്രഭാഷണം നടത്തി. ബൈജു മേനാച്ചേരി റിപ്പോർട്ട് അവതരിപ്പിച്ചു. അഗ്രഗാമി മഹിളാ സമിതി ജില്ലാ സെക്രട്ടറി ആരിഫ മുഹമ്മദ്, പ്രസിഡന്റ് രേണുക മണി,സംസ്ഥാന കമ്മിറ്റി അംഗങ്ങളായ പ്രകാശൻ, മുരുക രാജതേവർ, യൂത്ത് ലീഗ് ജില്ലാ സെക്രട്ടറി സുബീഷ് നായർ, ജില്ലാ സെക്രട്ടറിയേറ്റംഗം വേണു മനയത്തുകുടി, അനീഷ് തുടങ്ങിയവർ പ്രസംഗിച്ചു. 19-ാം പാർട്ടി കോൺഗ്രസ് ഫെബ്രുവരി 23 മുതൽ 26 വരെ ഹൈദരാബാദിൽ നടക്കും. ഫെബ്രുവരി 6,7,8 തിയതികളിൽ കോഴിക്കോട് നടക്കുന്ന സംസ്ഥാന സമ്മേളനത്തിൽ പങ്കെടുക്കുന്ന 40 പ്രതിനിധികളെ യോഗം തെരഞ്ഞെടുത്തു.11 അംഗ ജില്ലാ സെക്രട്ടറിയേറ്റിനേയും 51 അംഗ ജില്ലാ കമ്മറ്റിയേയും യോഗം തെരഞ്ഞെടുത്തു. ജില്ലാ സെക്രട്ടറിയായി ബൈജു മേനാച്ചേരിയെ വീണ്ടും തെരഞ്ഞെടുത്തു.
സുഭാഷ് പാർക്കിൽ നേതാജിയുടെ പ്രതിമ സ്ഥാപിക്കണമെന്ന് ഫോർവേഡ് ബ്ലോക്ക്
12:31 AM Jan 30, 2023 | Deepika.com