ചിറ്റാരിക്കാല്: കമ്പല്ലൂരില് കരിങ്കല്ക്വാറി തുടങ്ങുന്നതിനെതിരെ ബഹുജന സമരം സംഘടിപ്പിക്കാന് ഈസ്റ്റ് എളേരി മണ്ഡലം കോണ്ഗ്രസ് കമ്മിറ്റി തീരുമാനിച്ചു. ചീമേനി - ഓടക്കൊല്ലി - ഭീമനടി റോഡ് നിര്മാണത്തിലെ അനാസ്ഥക്കെതിരെ കാഞ്ഞങ്ങാട് കിഫ്ബി ഓഫീസിന് മുന്നില് ധര്ണ നടത്താനും യോഗം തീരുമാനിച്ചു. രാഹുല്ഗാന്ധി നയിക്കുന്ന ഭാരത് ജോഡോ യാത്രയുടെ സമാപന ദിവസമായ 30ന് ചിറ്റാരിക്കാലില് ദേശിയോദ്ഗ്രഥന റാലിയും സംഗമവും സംഘടിപ്പിക്കും.
വൈകുന്നേരം നാലിന് നടക്കുന്ന പൊതുസമ്മേളനം മുന് എംഎല്എ കെ.പി.കുഞ്ഞിക്കണ്ണന് ഉദ്ഘാടനം ചെയ്യും. യോഗത്തില് മണ്ഡലം പ്രസിഡന്റ് ജോര്ജ് കരിമഠം അധ്യക്ഷത വഹിച്ചു. കെ.പി.കുഞ്ഞിക്കണ്ണന്, കരിമ്പില് കൃഷ്ണന്, സെബാസ്റ്റ്യന് പതാലില്, ജോസ് കുത്തിയതോട്ടില്, അഗസ്റ്റിന് ജോസഫ്, മാത്യു സെബാസ്റ്റ്യന്, എം.കെ.ഗോപാലകൃഷ്ണന്, ഡൊമിനിക് കോയിത്തുരുത്തേല് എന്നിവര് പ്രസംഗിച്ചു.
കമ്പല്ലൂരില് കരിങ്കല്ക്വാറി: ബഹുജന സമരവുമായി കോണ്ഗ്രസ്
12:27 AM Jan 29, 2023 | Deepika.com