കൊച്ചി: വികസന പദ്ധതികളിലെ കാലതാമസം ചൂണ്ടിക്കാട്ടി ജില്ലാ വികസന സമിതി യോഗത്തില് കളക്ടറുടെ വിമര്ശനം. പദ്ധതികള് യഥാസമയം പൂര്ത്തിയാക്കണമെന്ന് ബന്ധപ്പെട്ട വകുപ്പുകള്ക്ക് കളക്ടര് ഡോ. രേണുരാജ് നിര്ദേശിച്ചു. പദ്ധതി നിര്വഹണത്തില് പിന്നില് നില്ക്കുന്ന വകുപ്പുകള് പ്രവര്ത്തനങ്ങള് വേഗത്തിലാക്കണമെന്നും കളക്ടര് ആവശ്യപ്പെട്ടു.
ജനപ്രതിനിധികള്
ഉന്നയിച്ച ആവശ്യങ്ങള്:
ആന്റണി ജോണ് എംഎല്എ- ജനവാസമേഖലയില് വെല്ലുവിളി സൃഷ്ടിക്കുന്ന ചുള്ളിക്കൊമ്പനെ നിയന്ത്രിക്കാന് വനംവകുപ്പ് ഇടപെടണം. നീണ്ടപാറ, ചെമ്പങ്കുഴി, നേര്യമംഗലം ഭാഗങ്ങളില് വന്യജീവികളെ നിയന്ത്രിക്കുന്നതിനായി ഇലക്ട്രിക് ഫെന്സിംഗ് സ്ഥാപിക്കണം. വാച്ചര്മാരെ നിയോഗിക്കണം. കുട്ടമ്പുഴ ഭാഗത്തെ ജലവിതാന സംവിധാനം വന്യമൃഗങ്ങള് നശിപ്പിക്കാതിരിക്കാനാവശ്യമായ നടപടി സ്വീകരിക്കണം. പെരിയാര് വാലി ഇറിഗേഷന് പ്രോജക്ടിന്റെ ഭാഗമായുള്ള പ്രദേശങ്ങളിലെ കുടിവെള്ള ക്ഷാമം പരിഹക്കണം. തങ്കളം-കാക്കനാട്, കൊച്ചി-മൂന്നാര് റോഡുകളുടെയും പല്ലാരിമംഗലം പഞ്ചായത്തിലെ മണിക്കിണര് പാലത്തിന്റെയും നിര്മാണം വേഗത്തിലാക്കണം.
പി.വി. ശ്രീനിജിന് എംഎല്എ- പെരിയാര് വാലി കനാലിനോട് ചേര്ന്ന് താമസിക്കുന്നവരുടെ പട്ടയങ്ങള് വേഗത്തില് ലഭ്യമാക്കണം. ഇതിനായി പൊതുമരാമത്ത്, പെരിയാര് വാലി കനാല്, റവന്യൂ ഉദ്യോഗസ്ഥര് സംയുക്ത യോഗം ചേരണം. ചിത്രപ്പുഴ ബിപിസിഎല് റോഡിലെ അനധികൃത പാര്ക്കിംഗ് തടയണം. ആലുവ-മൂന്നാര് റോഡ് അലൈന്മെന്റ് സംബന്ധിച്ച പരാതികള് പരിഹരിക്കണം. മുടങ്ങിപ്പോയ കെഎസ്ആര്ടിസി സര്വീസുകള് പുനഃസ്ഥാപിക്കണം. കിഴക്കമ്പലം ബസ് സ്റ്റാൻഡില് ബസുകള്ക്ക് പ്രവേശനം നല്കണം.
കെ.എന്. ഉണ്ണികൃഷ്ണന് എംഎല്എ- അണിയല് കടപ്പുറത്തിന് സമീപമുള്ള റോഡിലെ മണ്ണ് അടിയന്തരമായി നീക്കം ചെയ്യണം. നായരമ്പലം പഞ്ചായത്തിലെ പഴയ പാലം പൊളിക്കുന്ന പ്രവര്ത്തികള് വേഗത്തിലാക്കണം. ജിഡ നിര്മിക്കുന്ന ഞാറക്കല് കുടിവെള്ള പദ്ധതിയുടെ നിര്മാണം ഉടന് പൂര്ത്തിയാക്കണം. താലൂക്ക് ആശുപത്രിയിലെ അഗ്നിരക്ഷാ സംവിധാനം ഉടന് സ്ഥാപിക്കണം. വൈപ്പിന്, ഞാറക്കല് പഞ്ചായത്തുകളിലെ കുടിവെള്ള ക്ഷാമം പരിഹരിക്കാനുള്ള നടപടി സ്വീകരിക്കണം
എല്ദോസ് കുന്നപ്പിള്ളി എംഎല്എ-ട്രാവന്കൂര് റയോണ്സിന്റെ ഉടമസ്ഥതയിലുള്ള ഭൂമിയില് വ്യവസായ പാര്ക്ക് സ്ഥാപിക്കാനുള്ള സാധ്യത പരിഗണിക്കണം. പെരുമ്പാവൂര് കൂവപ്പടി, മലയോര ഹൈവേ, ആലുവ മൂന്നാര് റോഡുകളുടെ പുറമ്പോക്ക് തിട്ടപ്പെടുത്തുന്നയത്തിനായി സര്വേ നടത്തണം
ജില്ലാ വികസന സമിതി യോഗത്തില് കളക്ടറുടെ വിമര്ശനം
12:16 AM Jan 29, 2023 | Deepika.com