കടുത്തുരുത്തി: കുറുപ്പന്തറ സെന്‍റ് സേവ്യേഴ്‌സ് വിഎച്ച്എസ്എസ് വാര്‍ഷികാഘോഷത്തോടുനുബന്ധിച്ചു നടന്ന ഗുരുവന്ദനം വേറിട്ട കാഴ്ച്ചയായി. സ്‌കൂള്‍ വാര്‍ഷികത്തോടുനുബന്ധിച്ച് ഈ വര്‍ഷം വിരമിക്കുന്ന അധ്യാപിക ആനി അഗസറ്റിന് നല്‍കിയ യാത്രയയപ്പിന്‍റെ ഭാഗമായാണ് ഗുരുവന്ദനം നടത്തിയത്. ഗുരുവന്ദനത്തില്‍ പാടിയ പാട്ടിന്‍റെ വരികളുടെ അര്‍ഥവും ഇതിനൊപ്പിച്ചുള്ള വിദ്യാര്‍ഥികളുടെ പ്രകടനവും ഏറേ ശ്രദ്ധേയമായി.
വിരമിക്കുന്ന അധ്യാപികയെ മധ്യത്തിലിരുത്തിയാണ് വിദ്യാര്‍ഥികള്‍ പരിപാടി നടത്തിയത്. സ്‌കൂളിലെ മുഴുവന്‍ അധ്യാപകരും വിദ്യാര്‍ഥികളും ഒപ്പിട്ട ചാര്‍ട്ട് പേപ്പറും ഏഴാം ക്ലാസ് വിദ്യാര്‍ഥി ജോയല്‍ ജോമോന്‍ വരച്ച അധ്യാപികയുടെ ചിത്രവും പരിപാടിക്കിടെ വിദ്യാര്‍ഥികള്‍ അധ്യാപികയ്ക്കു കൈമാറി. അധ്യാപികയുടെ കാലില്‍ തൊട്ട് വിദ്യാര്‍ഥികള്‍ അനുഗ്രഹം വാങ്ങിയ വിദ്യാര്‍ഥികള്‍ പൂച്ചെണ്ടും പൊന്നാടയും അണിയിച്ചു ആദരിക്കുകയും ചെയ്തു.
വാര്‍ഷികാഘോഷം മോന്‍സ് ജോസഫ് എംഎല്‍എ ഉദ്ഘാടനം ചെയ്തു. സ്‌കൂള്‍ മാനേജര്‍ ഫാ. ഏബ്രഹാം കുപ്പപുഴയ്ക്കല്‍ അധ്യക്ഷത വഹിച്ചു. മാഞ്ഞൂര്‍ സര്‍വീസ് സഹകരണ ബാങ്ക് പ്രസിഡന്‍റ് സി.എം. ജോര്‍ജ്, പിടിഎ പ്രസിഡന്‍റ് ജോര്‍ജുകുട്ടി കാറുകുളം, പ്രിന്‍സിപ്പാള്‍ അനൂപ് കെ. സെബാസ്റ്റ്യന്‍, ഹെഡ്മാസ്റ്റര്‍ ജിജി ജേക്കബ്, അധ്യാപക പ്രതിനിധികളായ ജോഷി ജോര്‍ജ്, ഷായി ചാക്കോ, സ്‌കൂള്‍ ചെയര്‍പേഴ്‌സണ്‍ കെ.ആര്‍. നിരൂപ, വിദ്യാര്‍ഥി പ്രതിനിധി സെലീനാ ബെന്നി തുടങ്ങിയവര്‍ പ്രസംഗിച്ചു.
ഗുരുവന്ദനം വേറിട്ട കാഴ്ചയായി
11:53 PM Jan 27, 2023 | Deepika.com