മൂവാറ്റുപുഴ: എസ്എഫ്ഐ, ഡിവൈഎഫ്ഐ മാറാടി പള്ളിക്കവല യൂണിറ്റുകളുടെ നേതൃത്വത്തിൽ സംഘടിപ്പിക്കുന്ന മാറാടി സൂപ്പർ ലീഗ് സീസണ് രണ്ടിന് തുടക്കമായി. നിർധനരായ ഡയാലിസിസ് രോഗികൾക്കും കാൻസർ രോഗമടക്കമുള്ളവർക്ക് ധനസഹായം നൽകുന്നതിനായാണ് ഫുട്ബോൾ ലീഗ് സംഘടിപ്പിച്ചിരിക്കുന്നത്. മാറാടി കുരുക്കുന്നപുരം പഞ്ചായത്ത് ഗ്രൗണ്ടിൽ നടക്കുന്ന ഫുട്ബോൾ മേള ഡിവൈഎഫ്ഐ കേന്ദ്ര സെക്രട്ടറിയേറ്റംഗം ജെയ്ക് സി. തോമസ് ഉദ്ഘാടനം ചെയ്തു. ഡിവൈഎഫ്ഐ മാറാടി യൂണിറ്റ് സെക്രട്ടറി വി.എ. ഷാജി അധ്യക്ഷത വഹിച്ചു.
ഒരു മാസം നീണ്ടുനിൽക്കുന്ന മാറാടി സൂപ്പർ ലീഗിൽ മാറാടി പഞ്ചായത്തിലെ 10 ഓളം ടീമുകളിലായി 110ഓളം കളിക്കാർ അണിനിരക്കും. മത്സര വിജയികൾക്ക് ഒന്നാം സമ്മാനമായി 20,000 രൂപയും എവർറോളിംഗ് ട്രോഫിയും രണ്ടാം സമ്മാനമായി 10,000 രൂപയും എവർറോളിംഗ് ട്രോഫിയും നൽകും.
മാറാടി സൂപ്പർ ലീഗ് സീസണ് രണ്ട് തുടങ്ങി
12:25 AM Jan 26, 2023 | Deepika.com