കുവൈറ്റ് സിറ്റി: കൊവിഡ് പ്രതിസന്ധി സമയത്ത് രാജ്യത്തുള്ള ഇന്ത്യക്കാർക്ക് പിന്തുണയും സംരക്ഷണവും നൽകിയ കുവൈറ്റ് അമീർ ഷെയ്ഖ് നവാഫ് അൽ അഹമ്മദ് അൽ ജാബർ അൽ സബാഹിനും കിരീടാവകാശി ഷെയ്ഖ് മിഷാൽ അൽ അഹമ്മദ് അൽ ജാബർ അൽ സബാഹിനും നന്ദി അറിയിച്ച് സ്ഥാനപതി സിബി ജോർജ്. കോവിഡ് മഹാമാരിക്കെതിരെ ഇന്ത്യയുമായി ചേർന്നുള്ള പോരാട്ടത്തിത്തിന് കുവൈറ്റിന് നന്ദി അറിയിച്ച സ്ഥാനപതി ഇന്ത്യയിലെ കോവിഡ് സാഹചര്യങ്ങളെ കുറിച്ചും വിശദീകരിച്ചു. ഒപ്പം ഇന്ത്യക്ക് കുവൈറ്റ് നൽകിയ സഹായങ്ങളെ കുറിച്ച് അദ്ദേഹം എടുത്തു പറഞ്ഞു.
ഇന്ത്യയ്ക്ക് നൽകിയ സഹായങ്ങൾക്ക് കുവൈറ്റിന് നന്ദി അറിയിക്കാൻ ഇന്ത്യൻ എംബസിയുടെ ആഭിമുഖ്യത്തിൽ സംഘടിപ്പിച്ച പ്രത്യേക പരിപാടി ന്ധകോവിഡിനെതിരെ ഇന്ത്യ കുവൈറ്റ് സംയുക്തപോരാട്ടം ന്ധ എന്ന പരിപാടിയിൽ സംസാരിക്കുകയായിരുന്നു അദ്ദേഹം.
കുവൈറ്റിലെ വിവിധ മന്ത്രാലയങ്ങളുടെ മേധാവികാളാണ് ചടങ്ങിൽ പങ്കെടുത്തത്. കുവൈത്ത് വിദേശകാര്യ സഹമന്ത്രി അംബാസഡർ അലി സുലൈമാൻ അൽ സഈദ്, വ്യവസായ അതോറിറ്റി ഡയറക്ടർ അബ്ദുൽ കരീം താക്കി, കുവൈറ്റ് പോർട്ട് അതോറിറ്റി ഡയറക്ടർ ശൈഖ് യൂസഫ് അബ്ദുല്ല അസ്സബാഹ്, കുവൈറ്റ് കസ്റ്റംസ് ഡയറക്ടർ ജമാൽ ഹാദിൽ അൽ ജലാവി, കുവൈത്ത് വ്യോമയാന വകുപ്പ് മേധാവി എൻജിനീയർ യൂസുഫ് അൽ ഫൗസാൻ, കുവൈറ്റ് റെഡ് ക്രസൻസ്റ് സൊസൈറ്റി ഉപാധ്യക്ഷൻ അൻവർ അൽ ഹസാവി തുടങ്ങിയ പ്രമുഖർ പരിപാടിയിൽ പങ്കെടുത്ത് സംസാരിച്ചു. കോവിഡ് മാനദണ്ഡങ്ങൾ പാലിച്ചു നടത്തിയ പരിപാടിയിൽ എംബസിയുടെ സോഷ്യൽ മീഡിയ അക്കൗണ്ടുകൾ വഴി നൂറുക്കണക്കിന് ഇന്ത്യക്കാർ പങ്കെടുത്തു.
റിപ്പോർട്ട്: സലിം കോട്ടയിൽ
കുവൈറ്റിന് നന്ദി പറഞ്ഞ് ഇന്ത്യൻ സമൂഹം
11:01 PM Aug 03, 2021 | Deepika.com