റിയാദ് : പതിനാറ് വർഷത്തെ പ്രവാസ ജീവിതം അവസാനിപ്പിച്ച് നാട്ടിലേക്ക് പോകുന്ന കേളി കുടുംബവേദി അംഗം പി.വി. സ്മിതയ്ക്ക് കുടുബവേദിയുടെ ആഭിമുഖ്യത്തിൽ യാത്രയയപ്പു നൽകി. റിയാദ് ഇന്ത്യൻ സ്കൂൾ അധ്യാപിക കൂടിയായ സ്മിത കുടുംബവേദി ബത്ത യൂണിറ്റ് അംഗമാണ്. മലയാളം മിഷൻ റിയാദ് ചാപ്റ്റർ അധ്യാപികയായും പ്രവർത്തിച്ചിരുന്നു. കണ്ണൂർ ജില്ലയിലെ തളിപ്പറന്പ് സ്വദേശിയാണ് സ്മിത.
കുടുംബവേദി ബത്ത യൂണിറ്റ് പരിധിയിൽ ചേർന്ന യാത്രയയപ്പു ചടങ്ങിൽ കുടുംബവേദി പ്രസിഡന്റ് പ്രിയ വിനോദ് കുടുംബവേദിയുടെ ഉപഹാരം സ്മിതയ്ക്ക് കൈമാറി. ചടങ്ങിൽ ബത്ത യൂണിറ്റ് ട്രഷറർ ഷൈനി അറയ്ക്കൽ, കേന്ദ്ര കമ്മിറ്റി അംഗങ്ങളായ സന്ധ്യ രാജ്, അനിൽ അറയ്ക്കൽ, വിനോദ്, കുടുംബവേദിയിലെ കുട്ടികളായ ഹേന പുഷ്പരാജ്, നേഹ പുഷ്പരാജ്, അനാമിക അറയ്ക്കൽ, അവന്തിക അറയ്ക്കൽ, ഗൗതം കൃഷ്ണ എന്നിവർ ആശംസകൾ അർപ്പിച്ച് സംസാരിച്ചു.
റിപ്പോർട്ട്: സലിം കോട്ടയിൽ
കേളി കുടുംബവേദി യാത്രയയപ്പു നൽകി
10:51 PM Jul 29, 2021 | Deepika.com