കുവൈറ്റ്: പ്രവാസ ജീവിതം മതിയാക്കി നാട്ടിലേക്ക് മടങ്ങുന്ന അസോസിയേഷൻ കേന്ദ്ര നിർവാഹകസമിതി അംഗം ശ്രീദത്ത് ജെ നായർക്കും മഹിളാവേദിയുടെ മുൻ എക്സിക്യൂട്ടീവ് അംഗം രശ്മിത ശ്രീദത്തിനും ബാലവേദിയുടെ മുൻ സെക്രട്ടറിയായ കുമാരി. ഇഷാൻവി ശ്രീദത്തിനും കോഴിക്കോട് ജില്ലാ അസോസിയേഷൻ യാത്രയയപ്പു നൽകി.
ശ്രീദത്തിന്റെ വസതിയിൽ സംഘടിപ്പിച്ച ലളിതമായ യാത്രയയപ്പു ചടങ്ങിൽ അസോസിയേഷൻ ജനറൽ സെക്രട്ടറി ഷൈജിത്ത്. കെ ശ്രീദത്ത് ജെ. നായർക്കും മഹിളാവേദി പ്രസിഡന്റ് സ്മിത രവീന്ദ്രൻ രശ്മിത ശ്രീദത്തിനും ബാലവേദി സെക്രട്ടറി അലൈനയും ആർട് & കൾച്ചറൽ സെക്രട്ടറി അഞ്ജനയും ചേർന്ന് ഇഷാൻവി ശ്രീദത്തിനും അസോസിയേഷന്റെ ഉപഹാരം കൈമാറി. ശ്രീദത്തും രശ്മിതയും ഇഷാൻവിയും കോഴിക്കോട് ജില്ലാ അസോസിയേഷന് നൽകിയ സേവനം പ്രശംസനീയവും അഭിനന്ദനാർഹവുമാണെന്നും മൂന്നുപേരുടെയും ഭാവിജീവിതം സന്തോഷകരവും സമാധാന പൂർണവുമാവട്ടെയെന്നും ചടങ്ങിൽ സംബന്ധിച്ചവർ ആശംസിച്ചു. അസോസിയേഷൻ നാട്ടിൽ നടത്തുന്ന സേവന പ്രവർത്തനങ്ങളിൽ മൂന്നുപേരുടെയും സഹകരണവും പിന്തുണയും ഇനിയും ഉണ്ടാവണമെന്നും അഭ്യർഥിച്ചു. അസോസിയേഷൻ വൈസ് പ്രസിഡന്റ് വിനീഷ് പി.വി, വെബ് & ഐ.ടി സെക്രട്ടറി അനിൽ കുമാർ, മഹിളാവേദി സെക്രട്ടറി ജീവ ജയേഷ്, മഹിളാവേദി ട്രഷറർ സിസിത ഗിരീഷ്, മഹിളാവേദി മുൻ പ്രസിഡന്റ് ഇന്ദിര രാധാകൃഷ്ണൻ, ബാലവേദി എക്സിക്യൂട്ടീവ് അംഗം നന്ദിക ജയേഷ് എന്നിവരും ചടങ്ങിൽ സന്നിഹിതരായിരുന്നു.
റിപ്പോർട്ട്: സലിം കോട്ടയിൽ
കോഴിക്കോട് ജില്ലാ അസോസിയേഷൻ യാത്രയയപ്പു നൽകി
10:49 PM Jul 29, 2021 | Deepika.com