മനാമ: കൊല്ലം പ്രവാസി അസോസിയേഷൻ ഹിദ്ദ് ഏരിയ കമ്മിറ്റിയുടെ നേതൃത്വത്തിൽ ഓണ്ലൈൻ ആയി ഓപ്പണ് ഹൗസ് സംഘടിപ്പിച്ചു. കോവിഡ്-19 പ്രതിസന്ധി കാലത്ത് പ്രവാസികൾ നേരിടുന്ന വിവിധ പ്രശ്നങ്ങൾ ചർച്ച ചെയ്യാനും, കേരള-കേന്ദ്ര സർക്കാരുകളുടെ പ്രവാസി ക്ഷേമപദ്ധതികളെ കുറിച്ച് അവബോധം നൽകുന്നതിനും ആണ് ഓപ്പണ് ഹൗസുകൾ സംഘടിപ്പിച്ചത്.
ഏരിയ കോ-ഓർഡിനേറ്റർ അനൂബ് തങ്കച്ചൻ ഉദ്ഘാടനം ചെയ്ത ഓപ്പണ് ഹൗസിൽ കെപിഎ പ്രസിഡന്റ് നിസാർ കൊല്ലം മുഖ്യ പ്രഭാഷണവും, ജനറൽ സെക്രട്ടറി ജഗത് കൃഷ്ണകുമാർ സംഘടനാ അവലോകനവും, ട്രഷറർ രാജ് കൃഷ്ണൻ, സെക്രട്ടറി കിഷോർ കുമാർ എന്നിവർ ആശംസകളും അറിയിച്ചു. കെപിഎ ഹിദ്ദ് ഏരിയ പ്രസിഡന്റ് സ്മിതീഷിന്റെ അധ്യക്ഷതയിൽ നടന്ന യോഗത്തിനു ഏരിയ സെക്രട്ടറി സജി കുളത്തിങ്കര സ്വാഗതവും ട്രഷറർ ജ്യോതിഷ് നന്ദിയും അറിയിച്ചു. തുടർന്ന് കോ-ഓർഡിനേറ്റർ റോജി ജോണ് നിയന്ത്രിച്ച ഓപ്പണ് ഹൗസിൽ അംഗങ്ങളുടെ ക്ഷേമാന്വേഷണം, നോർക്ക പദ്ധതി സംശയ നിവാരണം തുടങ്ങിയവയിൽ അംഗങ്ങൾക്കുള്ള സംശയങ്ങൾ ദൂരീകരിച്ചു.
റിപ്പോർട്ട്: ജഗത് കൃഷ്ണകുമാർ
കെപിഎ ഹിദ്ദ് ഏരിയ ഓപ്പണ് ഹൗസ് സംഘടിപ്പിച്ചു
09:04 PM Jul 26, 2021 | Deepika.com