കുവൈറ്റ് സിറ്റി: ഈ വർഷത്തെ നീറ്റ് പരീക്ഷ നടത്താൻ കുവൈറ്റിൽ പരീക്ഷകേന്ദ്രത്തിനു കേന്ദ്രാനുമതി ലഭിച്ചു. അതിനു വേണ്ടി പ്രവർത്തിച്ച ഇന്ത്യൻ എംബസിക്കും അംബാസിഡർക്കും കേരള ആർട്ട് ലവേഴ്സ് അസോസിയേഷൻ കല കുവൈറ്റിന്റെ അഭിനന്ദനങ്ങൾ.
ഇന്ത്യക്ക് പുറത്തു കുവൈറ്റിൽ മാത്രമാണ് നീറ്റ് പരീക്ഷക്ക് കേന്ദ്രം അനുവദിക്കപ്പെട്ടിട്ടുള്ളത്. നിലവിലെ സാഹചര്യത്തിൽ കുവൈറ്റിൽ നിന്നും ഇന്ത്യയിലേക്ക് യാത്ര ചെയ്യുന്നത് വിദ്യാർഥികൾക്കും, രക്ഷിതാക്കൾക്കും പ്രയാസകരമായിരുന്നു, പുതിയ തീരുമാനം വലിയ ആശ്വാസമാണ് വിദ്യാർഥികൾക്കും രക്ഷിതാക്കൾക്കും ഉണ്ടായിട്ടുള്ളത്. ഈ വിഷയം ഉന്നയിച്ചു കൊണ്ട് 2020ൽ കല കുവൈറ്റും, പ്രവാസി ക്ഷേമനിധി ബോർഡ് ഡയറക്ടർ ബോർഡ് അംഗം എൻ അജിത്കുമാറും സംസ്ഥാന മുഖ്യമന്ത്രിക്കും കേന്ദ്ര സർക്കാരിനും കത്തയച്ചിരുന്നു. ഈ തീരുമാനത്തിന് നടപ്പിലാക്കാൻ നേതൃത്വം നൽകിയ ഇന്ത്യൻ എംബസിക്കും അംബാസിഡർക്കും നന്ദി രേഖപെടുത്തുന്നതായി കല കുവൈറ്റ് ഭാരവാഹികൾ അറിയിച്ചു.
റിപ്പോർട്ട്: സലിം കോട്ടയിൽ
നീറ്റ് പരീക്ഷ: കുവൈറ്റിൽ സെന്റർ അനുവദിച്ചതിൽ കല കുവൈറ്റിന്റെ അഭിനന്ദനങ്ങൾ
10:33 PM Jul 15, 2021 | Deepika.com