വാഷിംഗ്ടണ് ഡിസി: ഫെഡറൽ ട്രേയ്ഡ് കമ്മിഷൻ അധ്യക്ഷയായി ബൈഡൻ നോമിനേറ്റ് ചെയ്ത പാക്കിസ്ഥാൻ അമേരിക്കൻ ലിനാ ഖാന്റെ (32) നിയമനം യുഎസ് സെനറ്റ് അംഗീകരിച്ചു. വോട്ടെടുപ്പിൽ 28 നെതിരെ 69 വോട്ടുകളാണ് ലിന ഖാൻ നേടിയത്. ഡമോക്രാറ്റിക് പാർട്ടി അംഗങ്ങളോടൊപ്പം റിപ്പബ്ലിക്കൻ പാർട്ടിയിലെ സെനറ്റംഗങ്ങളും ഖാന് അനുകൂലമായി വോട്ടു രേഖപ്പെടുത്തി.
കൊളംന്പിയ ലോ സ്കൂളിൽ അസോസിയേറ്റ് പ്രഫസർ ഓഫ് ലൊ ആയി പ്രവർത്തിച്ചുവരികയായിരുന്ന കലിഫോർണിയ സിലിക്കൻവാലിയിൽ നിന്നുള്ള ലിന.
പാക്കിസ്ഥാനിൽ നിന്നുള്ളവരാണു ലിനയുടെ മാതാപിതാക്കൾ. ലണ്ടനിലായിരുന്നു ജനനം. 2010 ൽ പതിനൊന്നാം വയസ്സിൽ മാതാപിതാക്കളോടൊപ്പം ലിന അമേരിക്കയിലെത്തി.
വില്യംസ് കോളജിൽ നിന്നും ബിരുദം നേടിയതിനുശേഷം യെയിൽ ലോ സ്കൂളിൽ നിന്നും നിയമ ബിരുദം കരസ്ഥമാക്കി. ലോ സ്കൂൾ വിദ്യാർഥിനിയായിരിക്കുന്പോൾ തന്നെ ആമസോണ്സ് ആൻഡ് ട്രസ്റ്റ് പാരഡോക്സ് എന്ന ലേഖനത്തിലൂടെ ഇവർ ശ്രദ്ധ പിടിച്ചുപറ്റി. ഫെഡറൽ ഗവണ്മെന്റിന്റെ വിവിധ തസ്തികകളിൽ പ്രവർത്തിച്ചിട്ടുള്ള ലിനയ്ക്ക് നിരവധി അവാർഡുകളും ലഭിച്ചിട്ടുണ്ട്.
റിപ്പോർട്ട്: പി.പി. ചെറിയാൻ
ലിന ഖാൻ ഫെഡറൽ ട്രേയ്ഡ് കമ്മിഷൻ അധ്യക്ഷ
11:30 PM Jun 16, 2021 | Deepika.com