കാസർഗോഡ്: പിഎസ് സി 21നു രാവിലെ 7.15 മുതല് 9.15 വരെ നടത്താന് നിശ്ചയിച്ചിരിക്കുന്ന ബിരുദതല മെയിന്സ് ഒഎംആര് പരീക്ഷക്ക് (സെയില്സ് അസിസ്റ്റന്റ്, അസിസ്റ്റന്റ്/ ഓഡിറ്റര്, എസ്ബിസിഐഡി തുടങ്ങിയവ) ജില്ലയിലെ ഭിന്നശേഷിക്കാരായ ഉദ്യോഗാര്ഥികളില് പരീക്ഷയെഴുതാന് സഹായിയുടെ (സ്ക്രൈബ്) സേവനം ആവശ്യമുള്ളവര്ക്ക് അപേക്ഷിക്കാം.
അര്ഹരായവര് 15നു മുമ്പ്, അഡ്മിഷന് ടിക്കറ്റ്, ഭിന്നശേഷി തെളിയിക്കുന്ന സര്ട്ടിഫിക്കറ്റ്, മെഡിക്കല് സര്ട്ടിഫിക്കറ്റ് എന്നിവ സഹിതം കേരള പിഎസ് സി ജില്ലാ ഓഫീസിലേക്ക് നേരിട്ടോ തപാല് മുഖേനയോ അപേക്ഷ നല്കണം. 15ന് ശേഷം ലഭിക്കുന്ന അപേക്ഷകള് പരിഗണിക്കുന്നതല്ലെന്ന് ജില്ലാ ഓഫീസര് അറിയിച്ചു. വിലാസം- ജില്ലാ ഓഫീസ്, കേരള പിഎസ് സി, ടൈഗര് ഹില്സ് ബില്ഡിംഗ്, മുനിസിപ്പല് റോഡ്, പുലിക്കുന്ന്, കാസര്ഗോഡ്- 671121.
ബിരുദതല മുഖ്യപരീക്ഷ: ഭിന്നശേഷിക്കാര് അപേക്ഷ നല്കണം
12:44 AM Dec 10, 2022 | Deepika.com