കൊച്ചി: ചളിക്കവട്ടം സ്വദേശിയെ തട്ടിക്കൊണ്ടുപോയ കേസില് കാപ്പ കേസ് പ്രതി അറസ്റ്റില്. ഫ്രീഡം റോഡ് ചിറ്റോപറമ്പ് ഹാരിസിനെ(പരുന്ത് ഹാരിസ്-33 ) ആണ് പാലാരിവട്ടം പോലീസ് അറസ്റ്റു ചെയ്തത്. ചളിക്കവട്ടം സ്വദേശി വിജയകുമാറിനെ തട്ടിക്കൊണ്ടുപോയ കേസില് ഏഴാം പ്രതിയാണ് ഇയാള്.
കഴിഞ്ഞ ആറിനു പുലര്ച്ചെ രണ്ടിനാണ് സംഭവം. പാലാരിവട്ടത്തെ കെഎന്യു ജെന്റ്സ് ഹോസ്റ്റലിലെ മുറിയില്നിന്ന് വിജയകുമാറിനെ ഹാരിസ് അടക്കമുള്ള സംഘം തട്ടിക്കൊണ്ടുപോയെന്നായിരുന്നു പരാതി. ഒപ്പം മുറിയിലുണ്ടായിരുന്ന പാലക്കാട് സ്വദേശി സന്ദീപാണ് പരാതി നല്കിയത്. ഹാരിസ് ഉള്പ്പെടെയുള്ളവരുടെ ലഹരി ഉപയോഗവുമായി ബന്ധപ്പെട്ട് വിജയകുമാര് മുഖ്യമന്ത്രിക്കു പരാതി നല്കിയതില് ഇവര് തമ്മില് വാക്കുതര്ക്കമുണ്ടായിരുന്നു. ഇതാണ് തട്ടിക്കൊണ്ടുപോകാന് കാരണമെന്ന് പോലീസ് പറഞ്ഞു.
വിജയകുമാറിനെതിരെയും നിരവധി കേസുകള് നിലവിലുണ്ട്.
തട്ടിക്കൊണ്ടുപോകൽ: കാപ്പ കേസ് പ്രതി അറസ്റ്റില്
12:27 AM Dec 10, 2022 | Deepika.com