രാജകുമാരി: കാർഷിക പോഷക ഉദ്യാനങ്ങൾ ഓരോ ഭവനങ്ങളിലും സജ്ജീകരിക്കുക എന്ന ലക്ഷ്യത്തോടെ കുടുംബശ്രീ നടപ്പിലാക്കുന്ന അഗ്രി ന്യൂട്രി ഗാർഡൻ പദ്ധതി ആരംഭിച്ചു. ഇതിന്റെ ഭാഗമായി രാജകുമാരി ഗ്രാമ പഞ്ചായത്തിൽ ഒരേക്കർ സ്ഥലത്ത് വിത്തിറക്കി.
പഞ്ചായത്ത് പ്രസിഡന്റ് സുമ ബിജു പരിപാടി ഉദ്ഘാടനം ചെയ്തു. നടുമറ്റത്താണ് 50 പേരടങ്ങുന്ന സംഘമാണ് ജൈവ കൃഷി ആരംഭിച്ചത്. ചീര, ബീൻസ്, പയർ, തക്കാളി, വഴുതന എന്നിങ്ങനെ അഞ്ച് ഇനം പച്ചക്കറി വിത്തുകളും രണ്ടിനം പഴ വർഗ ചെടികളുമാണ് കൃഷി ചെയ്യുന്നത്.
പരിപാടിയിൽ ബ്ലോക്ക് പഞ്ചായത്തംഗം കെ. ജെ. സിജു, സി ഡി എസ് അംഗങ്ങൾ, കുടുംബശ്രീ അംഗങ്ങൾ തുടങ്ങിയവർ പങ്കെടുത്തു.
അഗ്രി ന്യൂട്രി ഗാർഡൻ പദ്ധതി
11:04 PM Dec 08, 2022 | Deepika.com