അരുവിത്തുറ: സെന്റ് ജോർജ് ഫൊറോന പള്ളിയിൽ അരുവിത്തുറയും മാർത്തോമാ നസ്രാണി പാരമ്പര്യവും എന്ന വിഷയത്തെ ആസ്പദമാക്കി 10നു നടത്തുന്ന സെമിനാറിന്റെ ബ്രോഷറും പോസ്റ്ററും വികാരി ഫാ. അഗസ്റ്റിൻ പാലയ്ക്കപ്പറമ്പിൽ പ്രകാശനം ചെയ്തു. ഇടവകയിലെ മുതിർന്ന അംഗമായ സഖറിയാസ് തുടിപ്പാറയ്ക്ക് പോസ്റ്ററും ബിജോയി ജേക്കബ് വെള്ളൂക്കുന്നേലിന് ബ്രോഷറും നൽകിയാണ് പ്രകാശനം നിർവഹിച്ചത്. ചടങ്ങിൽ അസി. വികാരിമാരായ ഫാ. ആന്റണി തോണക്കര, ഫാ. ഡിറ്റോ തോട്ടത്തിൽ, ജനറൽ കൺവീനർ ഡോ. റെജി മേക്കാടൻ എന്നിവർ പങ്കെടുത്തു.
പൂഞ്ഞാറിൽ തൊഴിൽസഭ 12ന്
പൂഞ്ഞാർ: പൂഞ്ഞാർ തെക്കേക്കര പഞ്ചായത്തിലെ ഒന്നു മുതൽ 14 വരെയുള്ള വാർഡുകളിലെ തൊഴിലന്വേഷകർക്കുവേണ്ടിയുള്ള തൊഴിൽസഭ 12നു രാവിലെ പത്തു മുതൽ പഞ്ചായത്ത് ഹാളിൽ നടത്തും. എന്റെ തൊഴിൽ എന്റെ അഭിമാനം പദ്ധതി പ്രകാരം ഡിഡബ്ല്യുഎംഎസിൽ രജിസ്റ്റർ ചെയ്തവർക്കു പങ്കെടുക്കാമെന്നു പ്രസിഡന്റ് അറിയിച്ചു.
ടൈൽ മോഷണം: പ്രതികളെ പിടികൂടണം
തിടനാട്: ഗ്രാമപഞ്ചായത്ത് കോമ്പൗണ്ടിൽനിന്നു ലക്ഷക്കണക്കിനു രൂപയുടെ ടൈലുകൾ മോഷണം പോയ സംഭവത്തിൽ സമഗ്രമായ അന്വേഷണം നടത്തി കുറ്റവാളികളെ പിടികൂടണമെന്ന് ജനപക്ഷം തിടനാട് മണ്ഡലം കമ്മറ്റി ആവശ്യപ്പെട്ടു. പ്രതികളെ സംരക്ഷിക്കാനുളള രാഷ്ട്രീയ ഇടപെടലുകളിൽ യോഗം പ്രതിഷേധിച്ചു. മണ്ഡലം പ്രസിഡന്റ് തോമസ് വടകര അധ്യക്ഷത വഹിച്ചു.
ബ്രോഷർ പ്രകാശനം
09:50 PM Dec 07, 2022 | Deepika.com