കണ്ണൂർ: അന്തരിച്ച കോൺഗ്രസ് നേതാവ് സതീശൻ പാച്ചേനി രാഷ്ട്രീയം കൊണ്ട് നഷ്ടം മാത്രമുണ്ടായ നേതാവെന്ന് ചെറുകഥാകൃത്ത് ടി. പദ്മനാഭൻ. ചിറക്കൽ ബ്ലോക്ക് കോൺഗ്രസ് കമ്മിറ്റി പള്ളിക്കുന്നിൽ നടത്തിയ സതീശൻ പാച്ചേനി അനുസ്മരണ യോഗം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. പാച്ചേനിയുടേതുപോലുള്ള ജീവിതങ്ങൾ ഇന്ന് ഒരു പാർട്ടിയിലും ഉണ്ടാകില്ലെന്നും പാച്ചേനി കൊച്ചു ലാൽബഹദൂർ ശാസ്ത്രിയാണെന്നും അദ്ദേഹം പറഞ്ഞു.
ബ്ലോക്ക് പ്രസിഡന്റ് കല്ലിക്കോടൻ രാഗേഷ് അധ്യക്ഷത വഹിച്ചു. കെ. മോഹനൻ, കെ. പ്രമോദ്, കെ.സി. മുഹമ്മദ് ഫൈസൽ, രാജീവൻ എളയാവൂർ, ടി. ജയകൃഷ്ണൻ, എം.പി. വേലായുധൻ, കൂക്കിരി രാജേഷ്, ബിജു ഉമ്മർ, വസന്ത് പള്ളിയാമ്മൂല, എൻ.ആർ. മായിൻ, അനൂപ് ബാലൻ എന്നിവർ പ്രസംഗിച്ചു.
സതീശൻ പാച്ചേനി നഷ്ടം മാത്രമുണ്ടായ നേതാവ്: ടി. പദ്മനാഭൻ
01:04 AM Dec 07, 2022 | Deepika.com