കൊച്ചി: എറണാകുളം സെന്‍റ് ആല്‍ബര്‍ട്‌സ് കോളജും സെന്‍റ് തെരേസാസ് കോളജും സംയുക്തമായി സര്‍വര്‍ക്കും ജ്ഞാനം-കേരളത്തിലെ വിദ്യാഭ്യാസ വിപ്ലവം എന്ന വിഷയത്തില്‍ ഏകദിന ദേശീയ സിംപോസിയം നടത്തി. സെന്‍റ് ആല്‍ബര്‍ട്‌സ് കോളജില്‍ നടന്ന പരിപാടിയില്‍ ഇന്ത്യന്‍ കൗണ്‍സില്‍ ഓഫ് ഹിസ്‌റ്റോറിക്കല്‍ റിസര്‍ച്ചിന്‍റെ മെമ്പര്‍ സെക്രട്ടറി പ്രഫ. ഡോ. ഉമേഷ് അശോക് കദം വിശിഷ്ടാതിഥിയായിരുന്നു. ദേശീയ വിദ്യാഭ്യാസ നയത്തെക്കുറിച്ചും പ്രാദേശിക ഭാഷാ ഉറവിടങ്ങളുടെ പ്രധാന്യത്തെക്കുറിച്ചും ഭാരതീയ വിദ്യാഭ്യാസ സമ്പ്രദായങ്ങളെക്കുറിച്ചും അദ്ദേഹം പ്രതിപാദിച്ചു.
സെന്‍റ് ആല്‍ബര്‍ട്‌സ് കോളജ് ചെയര്‍മാന്‍ റവ. ഡോ. ആന്‍റണി തോപ്പില്‍, സെന്‍റ് തെരേസാസ് കോളജ് ഡയറക്ടര്‍ സിസ്റ്റര്‍ ഡോ. വിനീത, ആല്‍ബര്‍ട്‌സ് കോളജ് പ്രിന്‍സിപ്പല്‍ ഡോ. വി.എം. ബിജോയ്, സെന്‍റ് തെരേസാസ് കോളജ് പ്രിന്‍സിപ്പല്‍ ഡോ. അല്‍ഫോന്‍സ വിജയ ജോസഫ്, കെആര്‍എല്‍സിസി എഡ്യുക്കേഷന്‍ കമ്മീഷന്‍ ജോയിന്‍റ് സെക്രട്ടറി ജെയ്‌സണ്‍ അടപ്പിള്ളി എന്നിവര്‍ സന്നിഹിതരായിരുന്നു.
ഇന്ത്യന്‍ കാത്തലിക് പ്രസ് അസോസിയേഷന്‍ പ്രസിഡന്‍റ് ഇഗ്‌നേഷ്യസ് ഗോണ്‍സാല്‍വസും സേവ്യര്‍ ബോര്‍ഡ് ഓഫ് ഹയര്‍ എഡ്യുക്കേഷന്‍ ഇന്‍ ഇന്ത്യ സെക്രട്ടറി ജനറലും സെന്‍റ് തെരേസാസ് കോളജ് മുന്‍ പ്രിന്‍സിപ്പലുമായ സിസ്റ്റര്‍ തെരേസയും പ്രത്യേകം സെഷനുകളില്‍ സംസാരിച്ചു.
കേരളത്തിലെ വിദ്യാഭ്യാസ വിപ്ലവം: സിംപോസിയം നടത്തി
12:26 AM Dec 07, 2022 | Deepika.com