ന​ഗ​ര​ത്തി​ൽ വൈ​ദ്യു​തിമു​ട​ക്കം പ​തി​വാ​കു​ന്നു; വ്യാപാരികളടക്കം ദുരിതത്തിൽ

തൊ​ടു​പു​ഴ: ന​ഗ​ര​ത്തി​ൽ വൈ​ദ്യു​തി മു​ട​ക്കം പ​തി​വാ​കു​ന്നു. ദി​വ​സ​ത്തി​ൽ പ​ല ത​വ​ണ വൈ​ദ്യു​തി ത​ട​സ​പ്പെ​ടു​ന്ന സ്ഥി​തി​യാ​ണ് നി​ല​വി​ൽ. ഇ​തു​മൂ​ലം ന​ഗ​ര​ത്തി​ലെ വ്യാ​പാ​രി​ക​ള​ട​ക്കം ക​ടു​ത്ത ദു​രി​ത​മാ​ണ് അ​നു​ഭ​വി​ക്കു​ന്ന​ത്. ചി​ല ദി​വ​സ​ങ്ങ​ളി​ൽ മ​ണി​ക്കൂ​റു​ക​ളോ​ളം വൈ​ദ്യു​തി ത​ട​സ​പ്പെ​ടു​ന്നു​ണ്ട്.
വൈ​ദ്യു​തി മു​ട​ക്കം ന​ഗ​ര​ത്തി​ലെ ഓ​ഫീ​സു​ക​ളു​ടെ​യും വ്യാ​പാ​ര, വാ​ണി​ജ്യ, വ്യ​വ​സാ​യ സ്ഥാ​പ​ന​ങ്ങ​ളു​ടെ​യും പ്ര​വ​ർ​ത്ത​ന​ത്തെ കാ​ര്യ​മാ​യി ബാ​ധി​ക്കു​ന്നു​ണ്ട്. സ​മീ​പ​ദി​വ​സ​ങ്ങ​ളി​ലാ​ണ് വൈ​ദ്യു​തി ത​ട​സം കൂ​ടു​ത​ൽ രൂ​ക്ഷ​മാ​യ​ത്.
അ​തേ സ​മ​യം വൈ​ദ്യു​തി ത​ട​സ​പ്പെ​ട്ട​തി​ന്‍റെ കാ​ര​ണം അ​ന്വേ​ഷി​ച്ച് ഓ​ഫീ​സി​ൽ വി​ളി​ച്ചാ​ൽ ഫോ​ണ്‍ റിം​ഗ് ചെ​യ്യു​ന്ന​ത​ല്ലാ​തെ ആ​രും ഫോ​ണെ​ടു​ക്കു​ക​യോ കൃ​ത്യ​മാ​യ മ​റു​പ​ടി ന​ൽ​കു​ക​യോ ചെ​യ്യു​ന്നി​ല്ലെ​ന്നും ആ​ക്ഷേ​പം ഉ​യ​ർ​ന്നി​ട്ടു​ണ്ട്.
ലൈ​നി​ൽ പെ​ട്ടെ​ന്നു​ണ്ടാ​കു​ന്ന ത​ക​രാ​റു​ക​ളാ​ണ് വൈ​ദ്യു​തി ത​ട​സ​പ്പെ​ടാ​ൻ കാ​ര​ണ​മെ​ന്നാ​ണ് ബോ​ർ​ഡ​ധി​കൃ​ത​ർ പ​റ​യു​ന്ന​ത്. കാ​ര​ണ​ങ്ങ​ൾ അ​ന​വ​ധി​യു​ണ്ടെ​ങ്കി​ലും ജ​ന​ങ്ങ​ളെ ബു​ദ്ധി​മു​ട്ടി​ലാ​ക്കു​ന്ന വൈ​ദ്യു​തി ത​ട​സ​ത്തി​ന് ശാ​ശ്വ​ത പ​രി​ഹാ​രം കാ​ണ​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.