ഇരിട്ടി: ക്രിസ്മസിന് ഒരുക്കമായി തലശേരി അതിരൂപതയിലെ കുട്ടികൾക്കുവേണ്ടി ഐൻ സേവ മീഡിയ ക്രിയേഷൻസ് നടത്തുന്ന 24 ദിന ചോദ്യോത്തര പരിപാടിക്ക് തുടക്കമായി. നൽകപ്പെടുന്ന ഹ്രസ്വ വീഡിയോകൾ കണ്ട് അവയിലെ ചോദ്യങ്ങൾക്ക് ശരിയായ ഉത്തരം നൽകുന്നവരിൽനിന്നും നറുക്കെടുക്കെടുപ്പിലൂടെ തെരഞ്ഞെടുക്കപ്പെടുന്ന ഒരാൾക്ക് 1000 രൂപ കാഷ് അവാർഡ് നൽകും. ആദ്യദിനമായ ഇന്നലെ നടന്ന നറുക്കെടുപ്പിൽ എടൂർ സെന്റ് മേരീസ് ഫൊറോന ദേവാലയ ഇടവകാംഗമായ റോസ് മേരി ജിയോ വട്ടോളിക്കാണ് സമ്മാനം ലഭിച്ചത്. സമ്മാനത്തുകയായ 1000 രൂപ ഇരിട്ടി സിഎംഐ ക്രൈസ്റ്റ് സ്കൂളിൽ പ്രിൻസിപ്പൽ ഫാ. ജോർജ് പുഞ്ചായിലിന്റെ സാന്നിധ്യത്തിൽ പ്രോഗ്രാം കോ-ഓർഡിനേറ്റർ ഫാ. പയസ് അരീക്കാട്ട് സമ്മാനിച്ചു.
കെഎല്സിഎ സുവര്ണജൂബിലി സംഗമം ഇന്നും നാളെയും
കണ്ണൂര്: കേരള ലാറ്റിന് കാത്തലിക് അസോസിയേഷന് സുവര്ണജൂബിലി സംഗമവും ലത്തീന് കത്തോലിക്ക സമുദായ ദിനാഘോഷവും ഇന്നും നാളെയും നടക്കും.
പൊതുസമ്മേളനം നാളെ രാവിലെ 10.30 ന് ബര്ണശേരി ഹോളിട്രിനിറ്റി കത്തീഡ്രലില് ബിഷപ് ഡോ.അലക്സ് വടക്കുംതല ഉദ്ഘാടനം ചെയ്യുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.
ഇന്നു വൈകുന്നേരം 5.30 ന് പതാകപ്രയാണം തയ്യിൽ സെന്റ് ആന്റണീസ് ദേവലയാങ്കണത്തിൽ മോൺ. ക്ലാരൻസ് പാലിയത്ത് ഫ്ലാഗ് ഓഫ് ചെയ്യും. മേയര് ടി.ഒ മോഹനന്, കടന്നപ്പള്ളി രാമചന്ദ്രന് എംഎല്എ എന്നിവർ മുഖ്യാതിഥികളായിരിക്കും. സമുദായിക ഉന്നതിയും വിദ്യാഭ്യാസവും എന്ന വിഷയത്തില് ഡോ. ജിജു അറക്കത്തറയും സംവരണവും സുപ്രീം കോടതിയും എന്ന വിഷയത്തില് ഷെറി ജെ. തോമസും വിഷയാവതരണവും നടത്തും. പത്രസമ്മേളനത്തിൽ ഫാ.മാര്ട്ടിന് രായപ്പന്, ആന്റണി നൊറോണ, രതീഷ് ആന്റണി, ഗോഡ്സണ് ഡിക്രൂസ്, കെ. ക്രിസ്റ്റഫര് കല്ലറക്കല്, കെ.എച്ച്. ജോണ് എന്നിവര് പങ്കെടുത്തു.
ക്രിസ്മസ് ചോദ്യോത്തര പരിപാടി: ആദ്യവിജയി റോസ് മേരി ജിയോ
01:16 AM Dec 03, 2022 | Deepika.com