കടുത്തുരുത്തി: കേരള ലോട്ടറി കാരുണ്യ പ്ലസിന്റെ 80 ലക്ഷം പെരുവയിലെ തയ്യല ് തൊഴിലാളിക്ക്.
മൂര്ക്കാട്ടുപടിയില് തയ്യല്ക്കട നടത്തുന്ന ഞീഴൂര് പതിച്ചേരിയില് ഗിരീഷി (കനില്കുമാര്) നാണ് ഒന്നാം സമ്മാനം ലഭിച്ചത്. വര്ഷങ്ങളായി മൂര്ക്കാട്ടുപടിയില് വാടകയ്ക്കു താമസിക്കുകയാണ് ഗിരീഷും കുടുംബവും. കഴിഞ്ഞ വര്ഷമാണ് ഗിരീഷ് വീട് വയ്ക്കാനായി പത്ത് സെന്റ് സ്ഥലം വാങ്ങിയത്. ഇവിടെ വീടു വയ്ക്കുവാനായി വായ്പയ്ക്കു പിറവത്തെ സ്വകാര്യ ബാങ്കിനെ സമീപിച്ചിരിക്കുകയായിരുന്നു. ലോട്ടറി വില്പനക്കാരന് വെള്ളൂര് സ്വദേശി മണിയാണ് ഗിരീഷിനെ ഭാഗ്യദേവത കടാക്ഷിച്ച വിവരം അറിയിക്കുന്നത്.
ടിക്കറ്റ് പെരുവയിലെ എസ്ബിഐ ശാഖയില് ഏല്പിച്ചു. ഭാര്യ പ്രസന്നകുമാരി ഗിരീഷിനെ തയ്യല്കടയില് സഹായിക്കുകയാണ്. വിദ്യാര്ഥികളായ വിഷ്ണുവും അശ്വതിയും മക്കളാണ്.
കാരുണ്യ പ്ലസ് 80 ലക്ഷം പെരുവയിലെ തയ്യല് തൊഴിലാളിക്ക്
12:10 AM Dec 02, 2022 | Deepika.com