മൂവാറ്റുപുഴ: പോത്താനിക്കാട് പഞ്ചായത്ത് പത്താം വാർഡിൽ ജോർജ് ചെട്ടിയാംകുടിയുടെ തരിശായി കിടന്ന രണ്ടേക്കർ സ്ഥലത്ത് കിസാൻ സഭയുടെ നേതൃത്വത്തിൽ പച്ചക്കറി കൃഷിക്കു തുടക്കമായി.
നടീൽ ഉദ്ഘാടനം വാർഡ് മെന്പർ വിൻസൻ ഇല്ലിയ്ക്കൽ നിർവഹിച്ചു. കിസാൻസഭ ലോക്കൽ സെക്രട്ടറി മാത്യു ടി. തോമസ് അധ്യക്ഷത വഹിച്ചു.
വർഷങ്ങളായി തരിശായി കിടന്ന ജോർജ് ചെട്ടിയാംകുടിയുടെ രണ്ടേക്കർ വരുന്ന സ്ഥലത്ത് കൃഷി വകുപ്പിന്റെ സഹകരണത്തോടെ പയർ, വെണ്ട, വഴുതന, ചീര, ചീനി എന്നിവയാണ് കൃഷിചെയ്തത്. വി.ഒ. കറുന്പൻ, ജോർജ് ചെട്ടിയാംകുടി, വി.ഐ. ജോണി, സജി മങ്കുത്തേൽ എന്നിവരാണ് നേതൃത്വം.
ഇതോടൊപ്പം കിസാൻസഭയുടെ നേതൃത്വത്തിൽ പോത്താനിക്കാട് പഞ്ചായത്തിലെ ഒന്നാംവാർഡിലെ പുളിന്താനത്ത് മൂന്നേക്കർ വരുന്ന സ്ഥലത്ത് കപ്പ കൃഷി ചെയ്യുന്നതിനായി നിലം ഒരുക്കലും ആരംഭിച്ചു.
പച്ചക്കറികൃഷിക്ക് തുടക്കം
12:23 AM Nov 30, 2022 | Deepika.com