കുറവിലങ്ങാട്: ഉപജില്ലാ കലോത്സവത്തില്‍ മൂന്ന് ദിവസങ്ങളിലായി ആറായിരത്തോളം പേര്‍ക്ക് ഭക്ഷണം നല്‍കി കേരള പ്രദേശ് സ്‌കൂള്‍ ടീച്ചേഴ്‌സ് അസോസിയേഷന്‍. കെപിഎസ്ടിഎയുടെ കുറവിലങ്ങാട് സബ്ജില്ലയുടെ നേതൃത്വത്തിലാണ് കലോത്സവത്തില്‍ ഭക്ഷണമൊരുക്കിയത്. ഉപജില്ലാ കലോത്സവങ്ങളില്‍ പങ്കെടുക്കുന്നവര്‍ക്ക് ഭക്ഷണം നല്‍കുന്നില്ലെന്ന ആക്ഷേപം വര്‍ഷങ്ങളായുള്ളതാണെന്ന് ഭാരവാഹികള്‍ പറയുന്നു. ഈ പരാതിക്കാണ് ഇതോടെ അവസാനമായതെന്ന് ഇവര്‍ അവകാശപ്പെട്ടു.
കാണക്കാരി പഞ്ചായത്തംഗം തമ്പി കാവുംപറമ്പില്‍, ഭക്ഷണകമ്മിറ്റി കണ്‍വീനര്‍ വി.ജെ. സജിമോന്‍, കലോത്സവത്തിന്‍റെ ജോയിന്‍റ് കണ്‍വീനര്‍ സ്വപ്ന ജൂലിയറ്റ്, ആര്‍. ഹരികൃഷ്ണന്‍, കെ.പി. ജയപ്രകാശ്, സി.കെ. ബിജു, സി.പി. പ്രവീണ്‍, എന്‍.ഡി. ജോസഫ്, കെ.ജെ. സെബാസ്റ്റ്യന്‍, സോഫി തോമസ്, ഷിനു ആന്‍റണി, ഗ്രീഷ്മ പീറ്റര്‍, ആര്‍.രാജീവ് കുമാര്‍, പി.ഡി. ഷൈമോള്‍ തുടങ്ങിയവര്‍ നേതൃത്വം നല്‍കി.
കുറവിലങ്ങാട് ഉപജില്ലാ കലോത്സവം: ആറായിരത്തോളം പേര്‍ക്ക് ഭക്ഷണം നല്‍കി കെപിഎസ്ടിഎ
11:53 PM Nov 29, 2022 | Deepika.com