ന്യൂയോർക്ക്: പ്രവാസി മലയാളി ഫെഡറേഷൻ ഗ്ലോബൽ ചാരിറ്റി കണ്വീനർ എസ്. അജിത്കുമാറിന്റെയും പിഎംഎഫ് റിയാദ് സെൻട്രൽ അംഗവും പ്രമുഖ സാമൂഹ്യപ്രവർത്തകനുമായ നൗഷാദ് വെട്ടിയറിന്റെയും ആകസ്മിക വേർപാടിൽ പിഎംഎഫ് ഗ്ലോബൽ കമ്മിറ്റി മേയ് 6 വ്യാഴാഴ്ച അനുസ്മരണ സമ്മേളനം നടത്തി.
പിഎംഎഫിനൊപ്പം തന്റെ ഭൂരിഭാഗം സമയവും ചെലവഴിക്കുകയും, സംഘടനാപാടവം കൊണ്ട് ഏൽപിക്കുന്ന ഏതൊരു കാര്യവും വളരെ തന്മയത്വവും ശുഷ്കാന്തിയോടും കൂടി സർക്കാർ സർക്കാരിതര ഓഫീസുകളിൽ നേരിട്ട് പോയി മുഖ്യമന്ത്രിയുടെ ഓഫീസിൽ പോലും കടന്നു ചെന്ന് കൊണ്ട് പല കാര്യങ്ങളും സംഘടനക്ക് വേണ്ടി പ്രവർത്തിച്ച ഒരു വ്യക്തിയായിരുന്നു. അജിത് കുമാർ എന്ന് പിഎംഎഫ് ഗ്ലോബൽ പ്രസിഡന്റ് എംപീ സലിം അനുസ്മരിച്ചു. റിയാദ് സെൻട്രൽ കമ്മിറ്റി അംഗവും സാമൂഹ്യ പ്രവർത്തകനുമായ നൗഷാദ് വെട്ടിയറിന്റെ വേർപാടും സംഘടനക്കും സമൂഹത്തിനും വലിയനഷ്ടം തന്നെ ആണെന്നും പ്രസിഡന്റ്് ചൂണ്ടിക്കാട്ടി.
നൂറ്റാണ്ടിലെ മഹാ വിപത്തായ കോവിഡ് മഹാമാരിമൂലം ഒട്ടനവധി ജീവനുകളാണ് പൊലിഞ്ഞ് കൊണ്ടിരിക്കുന്നത് സംഘടനക്ക് എന്നും താങ്ങായിരുന്ന ഇവർ രണ്ടു പേരുടെയും വേർപാട് നമുക്ക് എല്ലാവർക്കും ആ കുടുംബങ്ങൾക്കും താങ്ങാവുന്നതല്ലെന്ന് പിഎംഎഫ് ഗ്ലോബൽ ചെയർമാൻ ഡോ. ജോസ് കാണാട്, ഗ്ലോബൽ കോഓർഡിനേറ്റർ ജോസ് മാത്യു പനച്ചിക്കൽ, ഗ്ലോബൽ ജനറൽ സെക്രട്ടറി വര്ഗീസ് ജോണ്, ഗ്ലോബൽ ട്രഷറർ സ്റ്റീഫൻ കോട്ടയം, ഗ്ലോബൽ മീഡിയ കോഓർഡിനേറ്റർ പി പി ചെറിയാൻ, ഗ്ലോബൽ അസോസിയേറ്റ് കോഓർഡിനേറ്റർ നൗഫൽ മടത്തറ എന്നിവർ അനുശോചന യോഗത്തിൽ അഭിപ്രായപ്പെട്ടു. കൂടാതെ സൗദി നാഷണൽ കമ്മിറ്റി ജനറൽ സെക്രട്ടറി ഷിബു ഉസ്മാൻ, സൗദി നാഷണൽ കമ്മിറ്റി കോഓർഡിനേറ്റർ സുരേഷ് ശങ്കർ, റിയാദ് സെൻട്രൽ കമ്മിറ്റി ജനറൽ സെക്രട്ടറി ജിബിൻ സമദ്, അമേരിക്കൽ കോഓർഡിനേറ്റർ ഷാജി രാമപുരം, കേരള സ്റ്റേറ്റ് പ്രസിഡന്റ് ബേബി മാത്യു, ബിജു ദേവസി എന്നിവർ പരേതർക്ക് അനുശോചനം രേഖപ്പെടുത്തി.
റിപ്പോർട്ട്: പി.പി. ചെറിയാൻ
പിഎഫ്എഫ് ഗ്ലോബൽചാരിറ്റി കണ്വീനർ അജിത്കുമാറിന്റെ നിര്യാണത്തിൽ അനുസ്മരണസമ്മേളനം സംഘടിപ്പിച്ചു
09:12 PM May 09, 2021 | Deepika.com