മയാമി: ക്നാനായ കാത്തലിക് അസോസിയേഷൻ ഓഫ് സൗത്ത് ഫ്ളോറിഡ (ഗഇഅടഎ) പുതിയ ഭാരവാഹികളുടെ സത്യപ്രതിജ്ഞാചടങ്ങും അടുത്ത രണ്ടുവർഷത്തെ പ്രവർത്തനോദ്ഘാടനവും മയാമി ക്നാനായ കമ്മ്യൂണിറ്റി സെന്ററിൽ ഏപ്രിൽ 10 ശനിയാഴ്ച നടത്തപ്പെട്ടു. മയാമി ക്നാനായ അസോസിയേഷന്റെ പുതിയ പ്രസിഡന്റ് സിബി ചാണശേരിൽ, വൈസ് പ്രസിഡന്റ് ജിമ്മി തേക്കുംകാട്ടിൽ, സെക്രട്ടറി ജെയ്മോൻ വെളിയൻതറയിൽ, ജോയിന്റ് സെക്രട്ടറി ഡോണി മാളേപറന്പിൽ, ട്രഷറർ എബി തെക്കനാട്ട് എന്നിവർ സത്യപ്രതിജ്ഞ ചെയ്തു. ഇതോടൊപ്പം പുതിയതായി തെരഞ്ഞെടുക്കപ്പെട്ട വിമൻസ്ഫോറം ഭാരവാഹികളും, കെസിവൈഎൽ, കിഡ്സ് ക്ലബ്, കോർഡിനേറ്റേഴ്സും സത്യപ്രതിജ്ഞ ചെയ്തു.
മയാമി ക്നാനായ യൂണിറ്റിന്റെ സ്പിരിച്വൽ ഡയറക്ടർ ഫാ. ജോസഫ് ചിറപ്പുറത്ത് സത്യപ്രതിജ്ഞാ ചടങ്ങുകൾക്ക് നേതൃത്വം നൽകി. ഇതേത്തുടർന്ന് പുതിയതായി തെരഞ്ഞെടുക്കപ്പെട്ട കെസിസിഎൻഎ പ്രസിഡന്റ് സിറിയക് കൂവക്കാട്ടിൽ, സെക്രട്ടറി ലിജോ മച്ചാനിക്കൽ, ട്രഷറർ ജയ്മോൻ കട്ടിണശേരി എന്നിവർക്ക് സ്വീകരണവും നൽകി. ഉദ്ഘാടന സമ്മേളനത്തോടനുബന്ധിച്ച് വിവിധ കലാമത്സരങ്ങൾ സംഘടിപ്പിച്ചു. തുടർന്ന് കെസിസിഎൻഎ പ്രസിഡന്റ് സിറിയക് കൂവക്കാട്ടിലിന്റെ അധ്യക്ഷതയിൽ കെസിസിഎൻഎയുടെ ഭാവിപരിപാടികളെക്കുറിച്ചുള്ള ചർച്ച സംഘടിപ്പിച്ചു. കെസിസിഎൻഎയുടെ ഭാവി പ്രവർത്തനങ്ങൾ സമുദായാംഗങ്ങളുടെ സമഗ്രവളർച്ചയ്ക്ക് എങ്ങനെ ഉപകരിക്കാം എന്ന് ചർച്ചയിൽ പങ്കെടുത്തവർ സംസാരിച്ചു. ടൗണ് ഹാൾ മീറ്റിംഗിന് കെസിസിഎൻഎ. സെക്രട്ടറി ലിജോ മച്ചാനിക്കൽ, ട്രഷറർ ജയ്മോൻ കട്ടിണശേരി, നാഷണൽ കൗണ്സിൽ അംഗം ജോണ് ചക്കാല എന്നിവർ നേതൃത്വം നൽകി.
റിപ്പോർട്ട്: സൈമണ് എബ്രഹാം
കെസിസിഎൻഎ ടൗണ് ഹാൾ മീറ്റിംഗും മയാമി ക്നാനായ യൂണിറ്റിന്റെ പ്രവർത്തനോദ്ഘാടനവും
12:16 AM Apr 16, 2021 | Deepika.com