കുവൈറ്റ് സിറ്റി: കുവൈറ്റിലെ പ്രമുഖ സാമൂഹിക പ്രവർത്തകനും കെകെ എംഎ രക്ഷാധികാരിയുമായിരുന്ന സഗീർ തൃക്കരിപ്പൂരിന്റെ നിര്യാണത്തിൽ കേരള ആർട്ട് ലവേഴ്സ് അസോസിയേഷൻ, കല കുവൈറ്റ് അനുശോചനം രേഖപ്പെടുത്തി.
കാസർഗോഡ് ജില്ലയിലെ പടന്ന സ്വദേശി അദ്ദേഹം കുറച്ചു ദിവസങ്ങളായി കോവിഡ് ബാധിച്ച് ചികിത്സയിലായിരുന്നു. കോവിഡ് ബാധിതയായതിനെ തുടർന്ന് അദ്ദേഹത്തിന്റെ ഭാര്യ സൗദ കഴിഞ്ഞ ദിവസം നിര്യാതയായിരുന്നു. പ്രളയകാലത്തും കോവിഡ് ലോക്ക്ഡൗണ് സമയത്തും നോർക്ക ഹെല്പ് ഡെസ്കുമായി സഹകരിച്ച് വലിയ സംഭാവനകൾ നൽകിയ വ്യക്തിയായിരുന്നു. അദ്ദേഹത്തിന്റെ നിര്യാണം കുവൈറ്റ് പൊതു സമൂഹത്തിന് നികത്താവാനാവാത്ത നഷ്ടമാണെന്നും, നിര്യാണത്തിൽ കുടുംബാംഗങ്ങളുടേയും സുഹൃത്തുക്കളുടേയും ദുഖത്തിൽ പങ്ക് ചേരുന്നതായും കല കുവൈറ്റ് പ്രസിഡന്റ് ജ്യോതിഷ് ചെറിയാൻ, ജനറൽ സെക്രട്ടറി സികെ നൗഷാദ് എന്നിവർ അനുശോചനക്കുറിപ്പിൽ അറിയിച്ചു.
റിപ്പോർട്ട്: സലിം കോട്ടയിൽ
സഗീർ തൃക്കരിപ്പൂരിന്റെ നിര്യാണത്തിൽ കല കുവൈറ്റ് അനുശോചനം രേഖപ്പെടുത്തി
11:32 PM Mar 08, 2021 | Deepika.com