ഐഎപി സംസ്ഥാന സംഗമം നാളെ കണ്ണൂരിൽ
12:29 AM Oct 08, 2022 | Deepika.com
കണ്ണൂർ: ഇന്ത്യൻ അക്കാഡമി ഓഫ് പീഡിയാട്രിക്സ് (ഐഎപി) സംസ്ഥാന കമ്മിറ്റിയുടെയും കണ്ണൂർ ചാപ്റ്ററിന്റെയും ആഭിമുഖ്യത്തിൽ പീഡിയാട്രിക് ശ്വാസകോശ വിദഗ്ധരുടെ സംസ്ഥാന സംഗമം നാളെ കണ്ണൂരിൽ നടക്കും. കണ്ണൂർ ചേംബർ ഹാളിൽ രാവിലെ 9.30 ന് മുൻ ദേശീയ പ്രസിഡന്റ് പ്രഫ. ടി.യു. സുകുമാരൻ ഉദ്ഘാടനം ചെയ്യും. ഐഎപി റസ്പിറേറ്ററി ചാപ്റ്റർ ദേശീയ ചെയർമാൻ പ്രഫ. എൻ.കെ. സുബ്രഹ്മണ്യ (ബംഗളൂരു) മുഖ്യപ്രഭാഷണം നിർവഹിക്കും. ഡോ. സജീത് കേശവന് (അമൃത ഇന്സ്റ്റിറ്റ്യൂട്ട് കൊച്ചി), ഡോ. വിജയ ശേഖരൻ, ഡോ. ജിജോ, ഡോ. ജോസ്, ഡോ. ബിന്ദുഷ, ഡോ. ഷമീം അഖ്തര് എന്നിവർ വിവിധ വിഷയങ്ങളിൽ പ്രബന്ധങ്ങൾ അവതരിപ്പിക്കും. വിവിധ ജില്ലകളിൽനിന്നായി നൂറിലധികം ശിശുരോഗ വിദഗ്ധർ പങ്കെടുക്കും. കുട്ടികളെ ബാധിക്കുന്ന വിവിധ ശ്വാസകോശ രോഗങ്ങളുടെ ആധുനിക ചികിത്സയും ഈ രംഗത്തെ വെല്ലുവിളികളും സംഗമം ചർച്ച ചെയ്യും. കോവിഡാനന്തരം കുട്ടികളെ ബാധിക്കുന്ന വിവിധ ശ്വാസകോശ രോഗങ്ങൾക്കുള്ള പ്രത്യേക ചികിത്സാപദ്ധതിയും അവതരിപ്പിക്കും.സംഘാടകസമിതി യോഗത്തിൽ ഡോ. പദ്മനാഭ ഷേണായി അധ്യക്ഷനായിരുന്നു.