എടാട്ട് ദേശീയപാതയില് നാലു വാഹനങ്ങള് കൂട്ടിയിടിച്ചു
12:53 AM Oct 07, 2022 | Deepika.com
പയ്യന്നൂര്: എടാട്ട് ദേശീയപാതയില് നാലു വാഹനങ്ങള് കൂട്ടിയിടിച്ച് അപകടം. മിനിലോറിയും ഇനോവ ക്രിസ്റ്റയും ഗുഡ്സ് ഓട്ടോറിക്ഷയും സ്കൂട്ടറുമാണ് അപകടത്തില്പെട്ടത്. ഓട്ടോ ഡ്രൈവര്ക്ക് പരിക്കേറ്റു. ഇന്നലെ ഉച്ചകഴിഞ്ഞ് മൂന്നോടെ ദേശീയപാതയില് പയ്യന്നൂര് എടാട്ട് കോളജ് സ്റ്റോപ്പിനു സമീപത്താണ് ഒരേസമയം നാലു വാഹനങ്ങള് കൂട്ടിയിടിച്ചത്. കണ്ണൂരില് നിന്നും പയ്യന്നൂര് ഭാഗത്തേക്ക് പോകുകയായിരുന്ന മിനിലോറിയും എതിരേ വരികയായിരുന്ന ഇനോവ ക്രിസ്റ്റയും അതേ ദിശയില് വന്ന ഗുഡ്സ് ഓട്ടോറിക്ഷയും പിലാത്തറ ഭാഗത്തേക്കു പോകുകയായിരുന്ന സ്കൂട്ടറുമാണ് അപകടത്തില്പ്പെട്ടത്. അപകടത്തെ തുടര്ന്ന് ഏറെനേരം ഗതാഗത തടസമുണ്ടായി.