പ്രതിപക്ഷ നേതാക്കളെ ഒഴിവാക്കിയത് പ്രതിഷേധാർഹം: ജോസ് കെ. മാണി
11:17 PM Oct 06, 2022 | Deepika.com
കോട്ടയം: സുപ്രധാന പാർലമെന്ററികാര്യ സമിതികളുടെ അധ്യക്ഷസ്ഥാനത്തുനിന്നു പ്രതിപക്ഷ നേതാക്കളെ ഒഴിവാക്കിയ കേന്ദ്ര സർക്കാർ നടപടി പ്രതിഷേധാർഹവും ജനാധിപത്യ വിരുദ്ധവും ഏകാധിപത്യ പ്രവണതയുമാണെന്ന് കേരള കോൺഗ്രസ് -എം ചെയർമാൻ ജോസ് കെ. മാണി എംപി. ജനാധിപത്യ സംവിധാനത്തിന്റെ നിലനിൽപ്പും ഭാവിയും അപകടത്തിലാക്കുന്ന ഇത്തരം നടപടികളിൽനിന്നു കേന്ദ്ര സർക്കാർ പിന്തിരിയണമെന്നും ജോസ് കെ.മാണി ആവശ്യപ്പെട്ടു.