ബസ് സ്കൂട്ടറിലിടിച്ച് വിദ്യാർഥി മരിച്ചു
10:04 PM Oct 06, 2022 | Deepika.com
തൃപ്പൂണിത്തുറ: ബസ് സ്കൂട്ടറിലിടിച്ച് വിദ്യാർഥി മരിച്ചു. ഇൻഫോപാർക്ക് എസ്ഐ ബിനുവിന്റെ മകൻ മുളന്തുരുത്തി വേഴപ്പറന്പ് ഐശ്വര്യഭവനിൽ അൻവിൻ (22) ആണ് മരിച്ചത്. ഇന്നലെ രാവിലെ 7.40 ഓടെ വൈക്കം റോഡിലെ പുതിയകാവിനടുത്ത് ചൂരക്കാടായിരുന്നു അപകടം. എറണാകുളത്ത് മാനേജ്മെന്റ് ഇൻസ്റ്റിറ്റ്യൂട്ട് വിദ്യാർഥിയായ അൻവിൻ സ്ഥാപനത്തിലേക്ക് പോകുന്നതിനിടെ അമിത വേഗതയിലെത്തിയ സ്വകാര്യ ബസ് സ്കൂട്ടറിലിടിക്കുകയായിരുന്നു. ഇടിയുടെ ആഘാതത്തിൽ തെറിച്ചുപോയ അൻവിൻ വൈദ്യുതി പോസ്റ്റിൽ കുരുങ്ങിയ നിലയിലായിരുന്നു. ഗുരുതരമായി പരിക്കേറ്റ അൻവിനെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. സംസ്കാരം നടത്തി. അമ്മ: ശ്രീജ. സഹോദരി: ഐശ്വര്യ.