അടിമാലി: കാപ്പാ നിയമം ചുമത്തി അടിമാലിയിൽ യുവാവിനെ ജയിലിലടച്ചു. നിരവധി കേസുകളിൽ പ്രതിയായ മന്നാംകണ്ടം തലമാലി കൊല്ലത്ത് അനീഷ് ജോർജ് (സിറിയക്ക് -38) നെയാണ് പോലീസ് പിടികൂടി ജയിലിൽ അടച്ചത്.
ഇയാൾ കഴിഞ്ഞ ഏഴ് വർഷമായി കൊലപാതകശ്രമം, സ്ത്രീകൾക്കെതിരായ അതിക്രമം, അടിപിടി, ലഹരികടത്ത് തുടങ്ങിയ ക്രിമിനൽ പ്രവർത്തനങ്ങൾ നടത്തിവരികയായിരുന്നെന്ന് പോലീസ് പറഞ്ഞു. പൊതുജനങ്ങളുടെ സ്വൈരജീവിതത്തിന് തടസം സൃഷ്ടിക്കുന്നവർക്കെതിരേ കർശന നിയമനടപടി സ്വീകരിക്കുമെന്ന് ജില്ലാ പോലീസ് മേധാവി വി.യു. കുര്യാക്കോസ് അറിയിച്ചു.
കാപ്പാ ചുമത്തി ജയിലിൽ അടച്ചു
10:36 PM Oct 05, 2022 | Deepika.com