കോട്ടയം: ചാമ്പ്യന്സ് ലീഗ് വള്ളംകളിയുടെ ഭാഗമായ താഴത്തങ്ങാടി വള്ളംകളി മത്സരത്തില് പങ്കെടുക്കുന്ന ചെറുവള്ളങ്ങളുടെ രജിസ്ട്രേഷന് ഒന്പതിന് ആരംഭിക്കും.
കളിവള്ളങ്ങളുടെ രജിസ്ട്രേഷനു ബന്ധപ്പെടേണ്ട നമ്പര്: 9447052184, 9447355901. 29നാണ് വള്ളംകളി മത്സരം. ചാമ്പ്യന്സ് ബോട്ട് ലീഗിന്റെ (സിബിഎല്) ഭാഗമായ 121-ാമത് താഴത്തങ്ങാടി മത്സരവള്ളംകളിയില് ഒന്പതു ചുണ്ടന്വള്ളങ്ങളാണ് പങ്കെടുക്കുന്നത്. കൂടാതെ വെപ്പ്, ഇരുട്ടുകുത്തി വിഭാഗങ്ങളില് ഒന്നാം ഗ്രേഡ്, രണ്ടാം ഗ്രേഡ്, ചുരുളന് എന്നീ വിഭാഗങ്ങളിലുള്ള കളിവള്ളങ്ങളെ ഉള്പ്പെടുത്തിയായിരിക്കും മത്സരം സംഘടിപ്പിക്കുക. വിനോദസഞ്ചാരവകുപ്പ്, കോട്ടയം നഗരസഭ, തിരുവാര്പ്പ് പഞ്ചായത്ത്, കോട്ടയം വെസ്റ്റ് ക്ലബ് എന്നിവര് സംയുക്തമായാണ് വള്ളംകളി സംഘടിപ്പിക്കുന്നത്.
താഴത്തങ്ങാടി വള്ളംകളി: ചെറുവള്ളങ്ങളുടെ രജിസ്ട്രേഷന് ഒന്പതുമുതല്
11:07 PM Oct 03, 2022 | Deepika.com