കാഞ്ഞിരപ്പള്ളി: കോടിയേരി ബാലകൃഷ്ണന്റെ നിര്യാണത്തിൽ അനുശോചിച്ച് സിപിഎം കാഞ്ഞിരപ്പള്ളി ഏരിയാ കമ്മിറ്റിയുടെ നേതൃത്വത്തിൽ ഇന്ന് വൈകുന്നേരം അഞ്ചിന് കാഞ്ഞിരപ്പള്ളി പേട്ടക്കവലയിൽ അനുശോചന യോഗം ചേരും. വിവിധ രാഷ്ട്രീയ കക്ഷി നേതാക്കൾ പങ്കെടുക്കും.
പൊൻകുന്നം: കോടിയേരി ബാലകൃഷ്ണന്റെ നിര്യാണത്തിൽ കേരള കോൺഗ്രസ്-എം ചിറക്കടവ് മണ്ഡലം കമ്മിറ്റി അനുശോചിച്ചു. മണ്ഡലം പ്രസിഡന്റ ഷാജി നല്ലേപറമ്പിലിന്റെ അധ്യക്ഷതയിൽ ഷാജി പാമ്പൂരി, സുമേഷ് ആൻഡ്രൂസ്, ആന്റണി മാർട്ടിൻ, എബ്രഹാം കെ.എ., അബ്ദുൾ റഹ്മാൻ, രാഹുൽ പിള്ള, ഫിനോ പുതുപ്പറമ്പിൽ, ജയിംസ് ഈപ്പൻ, മാത്തുക്കുട്ടി തൊമ്മിതാഴെ, സണ്ണി ഞള്ളിയിൽ, തോമസ് ഒ.ടി. തുടങ്ങിയവർ പ്രസംഗിച്ചു.
മുക്കൂട്ടുതറ: കോടിയേരി ബാലകൃഷ്ണന്റെ നിര്യാണത്തിൽ മുട്ടപ്പള്ളി തിരുവള്ളുവർ ഹൈസ്കൂൾ മാനേജിംഗ് കമ്മിറ്റി അനുശോചിച്ചു. മാനേജിംഗ് കമ്മിറ്റി സെക്രട്ടറി പി. അനിൽകുമാർ അനുശോചന സന്ദേശം നൽകി.
പൊൻകുന്നം: കോടിയേരി ബാലകൃഷ്ണന്റെ നിര്യാണത്തിൽ ഇടത് പക്ഷ ജനാധിപത്യ മുന്നണിയുടെ നേതൃത്വത്തിൽ അനുശോചന യോഗങ്ങൾ നടന്നു. ചിറക്കടവ് പഞ്ചായത്ത് കമ്മിറ്റിയുടെ നേതൃത്വത്തിൽ പൊൻകുന്നത്ത് നടന്ന അനുശോചന യോഗത്തിൽ സിപിഎം വാഴൂർ ഏരിയാ കമ്മിറ്റിയംഗം ഐ.എസ്. രാമചന്ദ്രൻ അധ്യക്ഷതവഹിച്ചു. സിപിഎം പൊൻകുന്നം ലോക്കൽ സെക്രട്ടറി കെ. സേതുനാഥ് അനുശോചന പ്രമേയം അവതരിപ്പിച്ചു. വാഴൂർ പഞ്ചായത്ത് കമ്മിറ്റിയുടെ നേതൃത്വത്തിൽ കൊടുങ്ങൂരിൽ നടന്ന അനുശോചന യോഗത്തിൽ സിപിഎം വാഴൂർ ഏരിയാ കമ്മിറ്റിയംഗം അഡ്വ. ബെജു കെ. ചെറിയാൻ അധ്യക്ഷതവഹിച്ചു. സിപിഎം ലോക്കൽ സെക്രട്ടറി ഒ.കെ. ശിവൻകുട്ടി അനുശോചന പ്രമേയം അവതരിപ്പിച്ചു.
അനുശോചന യോഗം
10:32 PM Oct 03, 2022 | Deepika.com