കണ്ണൂർ: കണ്ണൂര് മുനിസിപ്പല് കോര്പറേഷന് 'കണ്ണൂര് ദസറ' യുടെ നാലാം ദിവസത്തെ സാംസ്കാരിക സമ്മേളനം ശ്രീകണ്ഠപുരം നഗരസഭ ചെയര്പേഴ്സണ് ഡോ. കെ.വി. ഫിലോമിന ഉദ്ഘാടനം ചെയ്തു. സ്റ്റാൻഡിംഗ് കമ്മിറ്റി ചെയർമാൻ എം.പി. രാജേഷ് അധ്യക്ഷത വഹിച്ചു.പ്രമുഖ എഴുത്തുകാരി കെ.പി. സുധീര മുഖ്യാതിഥിയായിരുന്നു. നഗരസഭ മുൻ ചെയർപേഴ്സൺ റോഷ്നി ഖാലിദ്, ഇ.വി.ജി നമ്പ്യാര്, ഇ. ടി. സാവിത്രി, പനയന് ഉഷ , മേയര് ടി.ഒ മോഹനന്, ഡെപ്യൂട്ടി മേയർ കെ. ഷബീന കൗണ്സിലര്മാരായ പി.വി.ജയസൂര്യന്, കെ. സീത, കെ.സി. രാജൻ തുടങ്ങിയവര് പ്രസംഗിച്ചു.
തുടർന്ന് തളാപ്പ് ഗവ. മിക്സഡ് യു പി സ്കൂള് വിദ്യാര്ഥികള് ചേര്ന്നൊരുക്കിയ ഫ്യൂഷന് ഡാന്സ് അരങ്ങേറി. 12 സംസ്ഥാനങ്ങളിലെ ഭാഷയും വേഷങ്ങളും സന്നിവേശിപ്പിച്ചു 101 വിദ്യാർഥികൾ ചേർന്നു അവതരിപ്പിച്ച നൃത്തം ശ്രദ്ധേയമായി. തുടർന്ന് പ്രശസ്ത ഗായകൻ അജയ്ഗോപാല് നയിച്ച ഗാനമേളയും ഉണ്ടായിരുന്നു.
"കണ്ണൂർ ദസറ'യിൽ ഒരുമയുടെ ശംഖൊലിയുമായി കുരുന്നുകൾ
12:52 AM Sep 30, 2022 | Deepika.com