കോയന്പത്തൂർ : ദീപാവലി പ്രമാണിച്ച് കോയന്പത്തൂരിലെ കോഓപ്ടെക്സിൽ 30 ശതമാനം ഡിസ്കൗണ്ട് വില്പ്പന ആരംഭിച്ചു. കോയന്പത്തൂർ നെഹ്റു സ്റ്റേഡിയം കോംപ്ലക്സിലാണ് തമിഴ്നാട് സർക്കാരിന്റെ സഹകരണ കന്പനിയായ ഗോഓപ്ടെക്സ് പ്രവർത്തിക്കുന്നത്.
എല്ലാ വർഷവും ദീപാവലി ആഘോഷത്തോടനുബന്ധിച്ച് കോഓപ്ടെക്സ് പ്രത്യേക വിലക്കിഴിവിൽ വസ്ത്രങ്ങൾ വില്ക്കുന്നു.
അതനുസരിച്ച് ഈ വർഷവും സിന്തറ്റിക്, കോട്ടണ് സാരികൾ, ബ്ലാങ്കറ്റുകൾ, റെഡിമെയ്ഡ് ഷർട്ടുകൾ, ഓർഗാനിക് കോട്ടണ് സാരികൾ എന്നിവ ദീപാവലിയോടനുബന്ധിച്ച് പ്രത്യേക വില്പ്പനയ്ക്ക് ലഭ്യമാണ്. ഇതുകൂടാതെ കയറ്റുമതി ഗുണമേന്മയുള്ള ഗൃഹോപകരണങ്ങളും ലഭ്യമാണ്.
ദീപാവലി പ്രമാണിച്ച് ഈ വർഷം 30 ശതമാനം പ്രത്യേക കിഴിവ് നല്കുമെന്ന് പ്രഖ്യാപിച്ചിട്ടുണ്ട്. ജില്ലാ കളക്ടർ ജി.എസ്. സമീരൻ കിഴിവ് വില്പ്പന ഉദ്ഘാടനം ചെയ്തു. ചടങ്ങിൽ ഗോ ഒപ്ടെക്സ് മാനേജിംഗ് ഡയറക്ടർ രമേഷ്, ചെയർമാൻ വെങ്കിടാചലം എന്നിവർ പങ്കെടുത്തു.
ഗോ ഓപ്ടെക്സിൽ ഡിസ്കൗണ്ട് വില്പ്പന ആരംഭിച്ചു
12:31 AM Sep 30, 2022 | Deepika.com