റാന്നി: കാലം ചെയ്ത കിഴക്കിന്റെ വലിയ മെത്രാപ്പോലീത്ത ഏബ്രഹാം മാർ ക്ലീമിസിന്റെ 20 -ാമത് ശ്രാദ്ധപ്പെരുന്നാളിനോടനുബന്ധിച്ച അനുസ്മരണ തീർഥയാത്ര ഇന്ന് നടക്കും.
വലിയ മെത്രാപ്പോലീത്തയുടെ മാതൃ ഇടവകയായ റാന്നി സെന്റ് തോമസ് വലിയ പള്ളിയിൽ നിന്ന് ഉച്ചകഴിഞ്ഞ് 2.30ന് ആരംഭിക്കുന്ന യാത്ര വൈകുന്നേരം 6.30ന് അദ്ദേഹം അന്ത്യവിശ്രമം കൊള്ളുന്ന ചിങ്ങവനം സെന്റ് ജോൺസ് ദയറാ പള്ളിയിൽ സമാപിക്കും.
റാന്നി വലിയ പള്ളിയിൽ അനുസ്മരണ യാത്രയോടനുബന്ധിച്ച സമ്മേളനം ആന്റോ ആന്റണി എംപി ഉദ്ഘാടനം ചെയ്യും. മുൻ എംഎൽഎ രാജു ഏബ്രഹാം യാത്ര ഫ്ലാഗ് ഓഫ് ചെയ്യും. റാന്നിയിലെ ഗ്രാമപഞ്ചായത്ത് കമ്മിറ്റികളുടെയും വിവിധ ദേവാലയങ്ങളുടെയും റാന്നിയിലെ സാമൂഹ്യപ്രസ്ഥാനങ്ങളുടെയും എംഎസ് സ്കൂളിന്റെയും സ്വീകരണങ്ങൾ ഏറ്റുവാങ്ങിയാണ് യാത്ര.
ഇരവിപേരൂർ സെന്റ് മേരീസ് ക്നാനായ പള്ളി, വള്ളംകുളം ബേത്ത്നഗർ അരമന, കാറ്റോട് സെന്റ് മേരീസ് പള്ളി എന്നിവിടങ്ങളിലൂടെ യാത്ര ചിങ്ങവനത്തെത്തും.
ഏബ്രഹാം മാർ ക്ലീമിസ് വലിയ മെത്രാപ്പോലീത്ത അനുസ്മരണയാത്രയും ശ്രാദ്ധപ്പെരുന്നാളും
12:56 AM Sep 29, 2022 | Deepika.com