കടുത്തുരുത്തി: യൂത്ത് കോണ്ഗ്രസ് ഭാരവാഹിയെ രാത്രിയില് സംഘം ചേര്ന്നു മര്ദിച്ച സംഭവത്തില് നാലുപേര് അറസ്റ്റില്. തോമസുകുട്ടി, അജയല്, അരുണ് ബാബു, സച്ചിന് ബിനോയി എന്നിവരെയാണ് പോലീസ് അറസ്റ്റ് ചെയ്തു ജാമ്യത്തില് വിട്ടയച്ചത്.
കേസില് രണ്ടുപേര്കൂടി പിടിയിലാകാനുണ്ട്. ഡിവൈഎഫ്ഐ പ്രവര്ത്തകരാണ് മര്ദിച്ചതെന്ന ആരോപണമുയര്ന്നതോടെ ഇവരെ ഒരാഴ്ച മുമ്പേ പാർട്ടിയില്നിന്നു പുറത്താക്കിയതാണെന്നാണ് നേതാക്കളുടെ വിചിത്ര വിശദീകരണം.
യൂത്തുകോണ്ഗ്രസ് കടുത്തുരുത്തി മണ്ഡലം സെക്രട്ടറി വാലാച്ചിറ പനച്ചിക്കാലായില് ജിന്സ് കുര്യ (30)നാണ് മര്ദനമേറ്റത്. ഇയാള് മുട്ടുചിറ എച്ച്ജിഎം ആശുപത്രിയില് ചികിത്സയിലാണ്.
യൂത്ത് കോണ്ഗ്രസ് ഭാരവാഹിയെ മര്ദിച്ച സംഭവം: നാലുപേര് അറസ്റ്റില്
12:54 AM Sep 29, 2022 | Deepika.com